台酒鍋 (Closed)

今日介紹嘅餐廳位於旺角同油麻地之間，店舖新開張設幸運輪大抽獎予食客參與，有機會贏得不同優惠。另外，食客生日月份黎食飯可以免費升級任飲台式啤酒，餐廳係用QR Code形式下單。🌟Level 4 套餐  ($438加1)任食放題湯底有十多款可以選擇，我地今次揀左人蔘雞鍋，原條人蔘在鍋底，但呢度就唔係原隻雞或半隻雞做湯料而係用雞件取代。肉類方面，套餐包括日本A5北海道和牛、西班牙伊比利亞黑毛豬、紐西蘭羊肩肉、牛板腱及Level 1-3 既食物等等。其中A5北海道和牛肉質很柔軟，佈滿油脂，輕輕一焯就可以食，肉味特濃。海鮮方面，海鮮類有大蝦、生魚片、蟹籽蝦滑、花膠片、帆立貝、魚柳和小花枝等等。火鍋配料自助區可以拿蔬菜及其他火鍋配料，種類都幾多。蔬菜類有蒿荀、生菜、羽衣甘藍和冬菇等，丸類有試了冬蔭公丸、爆汁牛丸、墨魚丸、三星蔥醬爆貢丸等。不過, 要留意既係餐廳補及速度唔算快，菜類有空盤既情況出現。台式火鍋配料其較為特別有有鬼馬老油條，即是油炸鬼裏面釀了蝦膠。府城蝦捲，脆的外皮包着的蝦肉可以一試。飲品除左常見茶同可樂之外仲有少見既台式飲品例如黑糖珍珠奶茶,蘋果紅茶,冬瓜茶。如果想飲酒可以加$40任飲