成晚耳仔聽住live band唱廣東歌，口嚐住濃淡皆宜嘅小炒，同friend吹水都特別開心。
餐廳環境唔似一般大牌檔，有霓虹燈、懷舊裝飾同舒服卡位，新派得嚟又有香港風味。真心推薦大家嚟chill下，記得預早訂位呀！
🔸人人烤雞（半隻）
一上枱香到隔離枱望過嚟！皮脆到咔嚓聲，肉嫩到流雞汁，簡單醃得好已經贏晒
🔸潮式脆脆蠔餅
蠔仔多到唔使錢咁，餅邊脆如蛋散，中心軟糯，點魚露好惹味
🔸手工黑松露蝦多士
我俾100分！多士烘得超脆，蝦膠彈牙，黑松露醬落得好豪，每啖都係濃香衝擊
🔸椒鹽鮮魷
即叫即炸，粉漿薄脆，魷魚新鮮軟嫩，椒鹽吊味剛剛好，送酒（同送歌）一流
🔸薑蔥桶蠔
蠔身肥嘟嘟，外微脆內爆蠔汁，薑蔥爆炒夠鑊氣
🔸熟成烤馬友魚（每日限定）
真心驚豔！魚皮烤到金香，肉質結實得嚟滑溜，採用「一夜干」嘅做法，熟成濃縮咗魚鮮，簡單以鹽調味已經夠晒層次
🔸冬蔭功海蝦燴飯
fusion得高明！酸辣醒神嘅冬蔭功湯汁完全滲入飯粒，大蝦爽彈，食到最尾都唔會膩
🔸陳皮鴨屎香檸檬茶同青味•出抹必點！
前者陳皮香同茶底超夾，後者抹茶鮮奶濃郁得嚟回甘，好有驚喜
🔸粉黛.西西
係少女心爆發嘅梳打，莓果味清新，飲完成個人都refresh咗～
1
