大眾燒肉酒場 X 陀地燒 (Closed)

最近試左一間位於旺角嘅日式燒肉店，餐廳主打多款唔同口味嘅和牛燒肉，幾啱鍾意食日式燒肉嘅朋友一齊黎食！‣ 和牛五花($68) / 黑毛和牛小排($78) / 和牛沙巴當($98) / 和牛霜降•赤身盛($88) / 汁燒和牛五花($62) / 汁燒和牛三角腩($98)幾款原味和牛切得幾好，賣相紋理亦唔錯，個人比較鐘意黑毛和牛小排，燒到五成熟食落口感幾軟滑，油脂比例適中，肉味幾濃；兩款汁燒和牛質素都唔錯，尤其係汁燒和牛三角腩，燒完食落油脂好豐富，口感好滑，味道都唔錯！‣ 味噌五花($28) / 豬油叉燒丼($38)味噌五花醃到幾入味，燒熟食落油脂好香，味道唔錯！豬油叉燒丼幾有驚喜，叉燒口感好軟熟，油脂味好豐富，配埋熱豬油食落味道幾正！‣ 味淋魚干($38) / 唐揚池魚仔($38) / CP雞軟骨($38)味淋魚干燒到夠乾身，味道唔錯；唐揚池魚仔炸到好香脆，食落幾惹味；雞軟骨幾大粒，口感唔錯‣ 檸檬威士忌梳打($38) / 冷泡白桃烏龍茶($12)兩款飲品正常發揮，威士忌梳打味道幾特別，白桃烏龍茶茶味幾香！💭 C͟o͟n͟c͟l͟u͟s͟i͟o͟n͟餐廳總體質素唔錯，和牛款式選擇都唔少，價錢合理，幾適合同朋友