Brooklyn (Closed)

上年年頭同年中都有嚟過呢間食晚餐，兩餐都係滿意，除左有個杯飲品係麻麻地，其他都係好好味，而且係值。事隔一年，今次食嘅係佢地嘅lunch。日頭環境仲溫暖，陽光微微射入黎，係唔錯，加上座位都坐得舒服。我地幾個人叫左兩客沙律吧（$88一客連飲品），可以去拎沙律，味道都ok，選擇都算多。另外我地都有叫到兩個main course軟殼蟹意大利飯（$118），味道不錯，佢個飯夠味（你知啦有啲可以好淡下）。另外係芝士安格斯牛肉（$98），加埋燒蕃茄（$12），牛肉夠味，煮得剛剛好。我地都坐得耐，食物唔錯，又唔嘈，會再幫襯。