Video
Read full review
2024-06-14
62 views
講起泰菜，多數都係炸蝦餅、豬頸肉、船麵、金邊粉、椰青焗飯等小食及飯麵類，原來而家仲有泰式打邊爐！仲要打邊爐同雞煲打孖一齊上，又有各款泰式小食同甜品，想食泰菜，但又唔知食咩好嘅就最啱黎呢度！-Set B 泰·初夏之雞煲+牛板鍵盤鍋放題 90mins $238 / 120 mins $278打邊爐前先食咗個雞煲，辣度可選大中小辣甚至唔辣，有得任飲所以揀咗中辣試試佢，辣度唔高，大家可以嘗試大辣。雞肉嫩滑，味道惹味，份量唔多，少少地可以試下味，啱食先至再order，唔洗做大曬鬼。湯底：可選冬陰功湯、椰汁雞湯、泰式清湯等泰國湯底，另外仲有港式沙嗲湯同芫茜皮蛋湯底。我地揀左冬陰功湯拼椰汁雞湯，冬陰功湯酸甜帶微辣，椰汁雞湯味道較鹹，椰汁味唔重。冷盤：有青木瓜沙律、泰式鳳爪、肉碎粉絲沙律，味道清新開胃。熟食：有炸雞翼、雞卷、薯角、春卷、榴槤波波等，香脆而且唔油膩👍🏼，另外仲有豬頸肉、串燒、各式炸丸等熟食。火鍋肉類：有澳洲250日穀飼牛🐮、牛板腱、牛胸爽、西班牙栗心豚肉片🐷、酒嫩雞件🐔，個人首推豚肉片，肉質軟嫩，次推牛板鍵，肉味較濃。火鍋配料：有蝦滑、墨魚滑、韭菜餃白菜餃，份量的骰，人數少都可以試晒咁多
講起泰菜，多數都係炸蝦餅、豬頸肉、船麵、金邊粉、椰青焗飯等小食及飯麵類，原來而家仲有泰式打邊爐！仲要打邊爐同雞煲打孖一齊上，又有各款泰式小食同甜品，想食泰菜，但又唔知食咩好嘅就最啱黎呢度！
-
Set B 泰·初夏之雞煲+牛板鍵盤鍋放題 90mins $238 / 120 mins $278
打邊爐前先食咗個雞煲，辣度可選大中小辣甚至唔辣，有得任飲所以揀咗中辣試試佢，辣度唔高，大家可以嘗試大辣。雞肉嫩滑，味道惹味，份量唔多，少少地可以試下味，啱食先至再order，唔洗做大曬鬼。
湯底：可選冬陰功湯、椰汁雞湯、泰式清湯等泰國湯底，另外仲有港式沙嗲湯同芫茜皮蛋湯底。我地揀左冬陰功湯拼椰汁雞湯，冬陰功湯酸甜帶微辣，椰汁雞湯味道較鹹，椰汁味唔重。
冷盤：有青木瓜沙律、泰式鳳爪、肉碎粉絲沙律，味道清新開胃。
熟食：有炸雞翼、雞卷、薯角、春卷、榴槤波波等，香脆而且唔油膩👍🏼，另外仲有豬頸肉、串燒、各式炸丸等熟食。
火鍋肉類：有澳洲250日穀飼牛🐮、牛板腱、牛胸爽、西班牙栗心豚肉片🐷、酒嫩雞件🐔，個人首推豚肉片，肉質軟嫩，次推牛板鍵，肉味較濃。
火鍋配料：有蝦滑、墨魚滑、韭菜餃白菜餃，份量的骰，人數少都可以試晒咁多款！自助區仲有魷魚、牛柏葉、各款丸類、午餐肉、炸魚皮、響鈴、辛辣麵以及各款蔬菜，例如粟米、金菇、蘿蔔、萵筍、南瓜、油麥菜等，任君選擇～
甜品：有芒果糯米飯、椰汁西米糕、斑蘭糕、芝士蛋糕、Tiramisu、各款雪糕雪條，款式多樣，誠意滿滿🫶🏼。
飲品：除左一般飲料之外仲有各款特色飲品，今次試左椰島雪香（充滿椰香，可以一試）同埋榴槤雪香（味道較假，不建議），自助區仲有香茅茶，充滿泰國風情。
Post
