Video
Read full review
2022-01-19
157 views
廢話少講 直入重點 等大家睇得簡單易明！唔打算逐樣食物介紹 因為咁樣好悶 而個款式真係幾多！如要用一句總結 我會咁講~「環境、食物種類、味道 各方面都對得住個價錢！」首先簡單講講環境 放題好多時都會擺位好迫行過會hi到你 坐又坐得唔太舒服 野食又唔夠位放但當晚 以上所有事都冇出現 非常好！坐位間隔幾適中 坐得係舒服 感覺滿意！當時怕件外套會吸哂啲燒肉味 問職員 即時有個紙袋裝住放埋一邊 加分！放題通常2個鐘 但呢間係2.5小時多半個鐘 唔好以為半個鐘好少嘢~唔駛趕住食 慢慢食仲可以有時間傾計放題可以Chill住食 完全係唔同體驗！跟住就講下食物種類 因為真係幾多 好難一一介紹所以大約講下當晚見到 食到咩啦~外邊係有飲品部 除咗汽水/果汁/茶 呢啲基本嘢仲有 清酒/梅酒/紅酒/白酒/啤酒一邊食燒肉 一邊飲酒 一邊同朋友吹水而家諗番都覺得好正！！！而食物種類 佢一開始會有個刺身拼盤 再加個青瓜魚子醬拖羅蓉 以呢2樣做頭盤同埋前菜跟手就會有個 我稱為「肉肉肉拼盤」當中有幾款和牛肉片 有豬腩片 有雞翼同雞腸食完以上 就到自由點菜環節 上邊食過嘅除咗魚子醬拖羅蓉 都係可以無限叫當然仲好多唔同野食
廢話少講 直入重點 等大家睇得簡單易明！
唔打算逐樣食物介紹 因為咁樣好悶 而個款式真係幾多！
如要用一句總結 我會咁講~
「環境、食物種類、味道 各方面都對得住個價錢！」
首先簡單講講環境 放題好多時都會擺位好迫
行過會hi到你 坐又坐得唔太舒服 野食又唔夠位放
但當晚 以上所有事都冇出現 非常好！
坐位間隔幾適中 坐得係舒服 感覺滿意！
當時怕件外套會吸哂啲燒肉味
問職員 即時有個紙袋裝住放埋一邊
加分！
放題通常2個鐘 但呢間係2.5小時
多半個鐘 唔好以為半個鐘好少嘢~
唔駛趕住食 慢慢食仲可以有時間傾計
放題可以Chill住食 完全係唔同體驗！
跟住就講下食物種類 因為真係幾多 好難一一介紹
所以大約講下當晚見到 食到咩啦~
外邊係有飲品部 除咗汽水/果汁/茶 呢啲基本嘢
仲有 清酒/梅酒/紅酒/白酒/啤酒
一邊食燒肉 一邊飲酒 一邊同朋友吹水
而家諗番都覺得好正！！！
而食物種類 佢一開始會有個刺身拼盤
再加個青瓜魚子醬拖羅蓉 以呢2樣做頭盤同埋前菜
跟手就會有個 我稱為「肉肉肉拼盤」
當中有幾款和牛肉片 有豬腩片 有雞翼同雞腸
食完以上 就到自由點菜環節 上邊食過嘅
除咗魚子醬拖羅蓉 都係可以無限叫
當然仲好多唔同野食 除咗各式燒肉外
仲有 海鮮、串燒、天婦羅、炸物
最後唔少得 當然係甜品啦
有Movenpick雪糕 Dreyers脆筒 榴槤Gelato
無論酒 食物 甜品 我都覺得款式係幾多
樣樣都食 可能食1 Round 就冇哂位啦~
最後 就講下食物味道
酒唔係咩名貴酒 我就一邊食燒肉一邊飲清酒
個人感覺係OK 入得口 算唔錯
頭盤同埋前菜 個刺身拼盤都係常見刺身
食落唔比啲專食刺身嘅日本放題差好遠 合格有餘
個青瓜魚子醬拖羅蓉呢 就真係好好食 可惜冇得再叫
而燒肉部份 綜合嚟講都好好食
個豬腩片 同埋各款牛類食物 我就瘋狂翻Deal
同時都叫咗少少 串燒同埋天婦羅 都係合格以上水準~
而甜品就冇咩好講 Movenpick雪糕唔會唔好食
而鐘意食榴槤嘅朋友就可能更啱 可以一試個Gelato
小總結 500蚊食一餐 真係好少可
但如果想同三五知己 開心飲飲食食 坐得舒服 又唔太趕
4個人加埋2000蚊 真係輕鬆唔過份 我覺得OK嘅！
等晚市開番之後 大家可以搵朋友一齊去試下啦 ！
Post
