十三姨 (通菜街)

Open Now

Now Closed

之前經過呢間店都見到好多人排隊，今晚竟然只係等一張枱就有得食，一於試吓啦！老闆娘鵝肝煎蛋撈飯 $148 每碗有三大塊鵝肝，油脂味好香，口感嫩滑，配埋煎太陽蛋嘅蛋黃汁，好滿足！個飯仲有XO醬 (呢個都會少少辣，但好惹味)、炸紅蔥頭、青蔥等等配料，令到味道更加豐富。值得一試～十三么 $78呢碗湯麵配料有日式叉燒，手撕雞同埋糖心蛋食，整體比較普通，手撕雞稍微有啲柴。湯底職員推薦加少少檸檬汁，令到濃濃嘅雞湯會更加開胃，味道都ok 嘅，但未至於好回味。相對鵝肝飯就普通左啲啦～每枱都會送一杯蝦片作前菜，都幾好食既！如果唔洗排長龍，可以去試試個鵝肝撈飯～