Video
Read full review
2018-12-31
565 views
女朋友去咗幾日泰國返到嚟當然要帶佢食好嘢啦！😃繼上次帶咗去食明記潮館之後，今次又揀咗喺砵蘭街嘅打冷老店 - 新泉發。😇喺鋪頭外面望左幾望，見到座無虛席諗住碰碰運氣，點知鋪入邊角位仲有一張枱仔，當然捉女朋友入去啦😗 一貫老店嘅作風，廚房都係好開揚，我哋坐嗰張枱正正望住廚房煮嘢！🤨先睇餐牌，其實都係嗰幾款打冷選擇，但正正選擇唔多所以着出嚟先夠風味！✅韭菜豬紅：基本上每次打冷我都會點嘅餸，韭菜非常之彈牙，豬紅點堆秘製嘅辣椒油簡直係一絕！✅蠔仔肉碎粥：其實本來我係我係方魚肉碎粥嘅，但落單嗰位老店員應該聽錯咗😝最後嚟咗蠔仔粥。個人認為食粥嘅話溫度係好重要，端上時熱辣辣簡直係正，不過蠔仔就唔係太多，但係粥幾粘！✅著名潮州滷水鵝片：雖然賣相唔係好討好，不過味道就一流，絕對有鵝嘅味道。不過略嫌每一塊嘅厚薄唔係太均勻，稍為失色少少。✅臘肉炒芥蘭：呢個時間應該芥蘭當做嘅時候，但係就冇咗芥蘭嗰種清甜，我個人喜歡臘肉有點油膩嘅感覺🤓呢碟嘅臘肉比較乾身。至於其他餸菜選擇大家亦都可以自行試下，我見到蠔餅都好靚，同埋比較多人叫炒蜆！——————————食物質素：8/10環境衛生：6/10舒適度：6/10服務：7/1
女朋友去咗幾日泰國返到嚟當然要帶佢食好嘢啦！😃繼上次帶咗去食明記潮館之後，今次又揀咗喺砵蘭街嘅打冷老店 - 新泉發。😇
喺鋪頭外面望左幾望，見到座無虛席諗住碰碰運氣，點知鋪入邊角位仲有一張枱仔，當然捉女朋友入去啦😗 一貫老店嘅作風，廚房都係好開揚，我哋坐嗰張枱正正望住廚房煮嘢！🤨
先睇餐牌，其實都係嗰幾款打冷選擇，但正正選擇唔多所以着出嚟先夠風味！
✅韭菜豬紅：基本上每次打冷我都會點嘅餸，韭菜非常之彈牙，豬紅點堆秘製嘅辣椒油簡直係一絕！
✅蠔仔肉碎粥：其實本來我係我係方魚肉碎粥嘅，但落單嗰位老店員應該聽錯咗😝最後嚟咗蠔仔粥。個人認為食粥嘅話溫度係好重要，端上時熱辣辣簡直係正，不過蠔仔就唔係太多，但係粥幾粘！
✅著名潮州滷水鵝片：雖然賣相唔係好討好，不過味道就一流，絕對有鵝嘅味道。不過略嫌每一塊嘅厚薄唔係太均勻，稍為失色少少。
✅臘肉炒芥蘭：呢個時間應該芥蘭當做嘅時候，但係就冇咗芥蘭嗰種清甜，我個人喜歡臘肉有點油膩嘅感覺🤓呢碟嘅臘肉比較乾身。
至於其他餸菜選擇大家亦都可以自行試下，我見到蠔餅都好靚，同埋比較多人叫炒蜆！
——————————
食物質素：8/10
環境衛生：6/10
舒適度：6/10
服務：7/10
性價比：7.5/10
總評分：6.9/10
——————————
#foodblogger #foodlover #foodie #hkfoodie #相機食先 #旺角
Post
