Video
Read full review
2021-01-15
28 views
屯門市廣場最近新開咗台灣野老媽拌麵，之前喺荃灣都食過，麻辣湯、拌麵都好正，今次encore！餐廳位於屯門市廣場3樓電梯附近，座位係半開放式幾開揚唔侷促，中午時段去仲啲有陽光喺窗邊透出嚟，感覺好溫暖！兩個人清清地叫咗三樣嘢：✅和牛炸醬拌麵一上菜已經比麵上隻半熟煎蛋吸引咗，煎得幾靚！拌勻成個麵黎食，粗麵麵身好煙韌有咬口，配以惹味炸醬醬汁，撈埋和牛同配菜蘿蔔絲同青瓜絲一齊食，味道清新得黎又好夾，多重口感，推介！✅韭菜豬肉水餃水餃皮厚度適中，食得出係自家手工搓成嘅皮唔馬虎，咬落啖啖韭菜同豬肉，比例剛好夠實淨，飽腹度十足，健康之選！✅清燉三寶牛肉麵湯底清甜得黎夠健康，感覺係自家清燉嘅，最鍾意個湯底！幼麵麵身滑得黎夠煙韌，追住食！三寶有牛筋、牛展、牛肚，牛肉味濃郁，仲有幾舊清甜白蘿蔔同紅蘿蔔，食完好滿足！讚！推介指數⭐️⭐️⭐️⭐️⭐️（滿分）
餐廳位於屯門市廣場3樓電梯附近，座位係半開放式幾開揚唔侷促，中午時段去仲啲有陽光喺窗邊透出嚟，感覺好溫暖！
兩個人清清地叫咗三樣嘢：
✅和牛炸醬拌麵
一上菜已經比麵上隻半熟煎蛋吸引咗，煎得幾靚！拌勻成個麵黎食，粗麵麵身好煙韌有咬口，配以惹味炸醬醬汁，撈埋和牛同配菜蘿蔔絲同青瓜絲一齊食，味道清新得黎又好夾，多重口感，推介！
✅韭菜豬肉水餃
水餃皮厚度適中，食得出係自家手工搓成嘅皮唔馬虎，咬落啖啖韭菜同豬肉，比例剛好夠實淨，飽腹度十足，健康之選！
✅清燉三寶牛肉麵
湯底清甜得黎夠健康，感覺係自家清燉嘅，最鍾意個湯底！幼麵麵身滑得黎夠煙韌，追住食！三寶有牛筋、牛展、牛肚，牛肉味濃郁，仲有幾舊清甜白蘿蔔同紅蘿蔔，食完好滿足！讚！
推介指數⭐️⭐️⭐️⭐️⭐️（滿分）
Post
