【尖沙咀驚安燒肉商店｜高質和牛燒肉性價比之王！】
唔講唔知，原來尖沙咀有間隱世高質燒肉店——「驚安燒肉商店」！今次同朋友一行四人去試，真係有驚喜，絕對要同大家分享！🔥
🌟 力推套餐：激安・一圈入魂！！Set（$1288） 呢個set真係誇張抵食！$1288有齊以下10款頂級部位： ✔️ 日本三筋 ✔️ 和牛三角腩 ✔️ 和牛五花 ✔️ 牛柳 ✔️ 腹協 ✔️ 友三角 ✔️ 韓式護心肉 ✔️ 極黑牛小排 ✔️ 牛頸脊 ✔️ 牛舌芯
每款肉質都超水準，油脂分布勻均，燒完香氣撲鼻，入口即溶！尤其係和牛三角腩同極黑牛小排，濃郁牛味真係令人食到停唔到口！牛舌芯爽脆彈牙，絕對係必食之選！👏
🐮 全港最平牛脷：$8/碟 無錯！係$8一碟！呢個價錢真係夠晒誠意，我哋每人一碟！質素絕對對得住價錢，燒完之後香脆又多汁，真心推薦！
🍚 主食同樣出色！ ▪️ 蟹黃海膽月見飯 勁多蟹黃同蟹肉！撈勻月見蛋黃之後，每一啖都充滿鮮味，連平時唔食飯嘅朋友都忍唔住清晒！
▪️ 紫菜牛汁飯 食燒肉點可以冇飯？呢碗紫菜牛汁飯簡單但超級惹味，我哋竟然encore咗三碗！真心冇得輸！
🍻 Sapporo生啤$48買一送一 ，一邊飲酒，一邊食燒肉，人生最高享受
總結： 驚安燒肉商店絕對係近期試過最抵食又高質嘅燒肉店！$1288套餐足夠3-4人分享，人均都係$300左右，但食到咁多款頂級和牛，性價比極高！加上$8牛脷同超讚主食，真心推薦大家去試！
