騷 (Closed)

繼續挑戰星期一奔走嘅感覺，雖然算小失敗，但總算叫逃走成功。呢間係諾士佛臺嘅樓上鋪，好似一般樓上cafe，入咗去就特別啲。係openrice book咗，但遲到，職員都好好態度。店內播住一首又一首舊歌，聲量就大啲，變左講嘢要大聲啲。。。佢有兩頁係食物，其實都係酒類。我地叫咗兩款小食，媽媽雞翼同埋薯條。賣相算不錯，夠熱，味道正常。薯條新炸起，係ok嘅，不過辣粉嘅味唔係好match個薯條。叫左mini burger($98)，佢個包幾脆口，肉都幾特別，有小小黑松露味，還可以。直接叫店員介意手工啤，我地試左兩支，一支係pink killer，味道還可，無乜啤酒味，果味多啲。另一支係Raspberry，酒精唔多，反而味道好飲啲，幾特別。今日仍然有人唱歌，有人生日都會唱生日歌。整體ok嘅，可以聽下歌都ok，不過唔留得耐。