伊賀日本燒肉料理 (Closed)

好懷念係日本旅行嘅日子，同友人行街前黎燒下嘆下。早餐只係食咗碗麥片，就留肚食燒肉。係尖沙咀行，就搵呢間啦。環境都算唔錯，有梳化坐得舒舒服服，店內唔算大嘅油煙味，晏就無幾耐都有幾枱客，我諗無人係會係午餐燒肉。禮拜聽職員講有折，但忘記咗有幾多。電子落單，非常方便，有唔同嘅種類揀，刺身、小食、菜、炸物都有，唔係淨係得燒肉同海鮮。每一頁尾都有個公仔提醒，唔好浪費食物。枱面仲教你點燒，可惜只係下午，真係想叫杯hoegaarden。點完餐都幾耐都上菜，久遺了我最愛嘅蟹籽沙律。刺身都幾好，幾鮮，開下個胃都幾正。蜆係用個銀盤裝住，等佢自己開「口」，好味。燒肉按番佢介紹方法咁整，有醬點，好滿足，推介要叫牛類嘅肉，豬頸肉小小辣，呢啲我地都有點。仲有movenpick做結尾，好完美咁開始我地逛街之旅。