Video
Read full review
2023-06-09
803 views
作為住附近嘅將軍澳友，今次已經唔係第一次食呢間台式料理店，不過就真係第一次食佢哋嘅燒肉套餐。———————————————🌟海陸空極上拼盤 $388拼盤內容超豐富，其實我諗正常兩個人叫拼盤加個主食已經好夠飽。成個拼盤牛豬雞都各兩款，另外仲有大蝦同海蜆。不過我今次咁啱餐廳比錯所以五花腩變咗牛小排～牛方面我哋仲有日本A4和牛同牛板腱，味道都好濃，和牛油脂豐富都有入口即溶嘅感覺。黑毛豬食落好嫩滑而且係高質豬肉嘅感覺，令到平時不喜豬嘅我都食多咗🙈雞肉方面有巴西無骨雞上脾，會連同雞皮係上面，燒完個肉質都係粉嫩而且一咬就會有肉汁流出嚟，另外仲有雞皮燒完真係好香好邪惡。大蝦有兩隻大大隻，食落好彈牙爽口，連個蝦頭都係甜嘅。最後蜆就有5粒，餐廳都貼心地先開殼避免燒到一半開會彈到客人，每粒食落都係大蜆好滋味。其實佢每一份肉都已經醃好味道，而且個爐都係燒得好方便，整體燒肉體驗都好好。.🌟台式紅燒牛肉麵 $88湯底我選擇咗川辣味，飲落好香味道亦都濃郁，入面仲要有超多舊牛，講緊可能係食咗5－7舊同時仲要唔細舊，完全係冇諗過可以咁足料，入面連蘿蔔都煮得好腍身。至於麵係比較煙韌，係我鍾意食嘅口感。.🌟小碗手工魯肉飯
作為住附近嘅將軍澳友，今次已經唔係第一次食呢間台式料理店，不過就真係第一次食佢哋嘅燒肉套餐。
———————————————
🌟海陸空極上拼盤 $388
拼盤內容超豐富，其實我諗正常兩個人叫拼盤加個主食已經好夠飽。成個拼盤牛豬雞都各兩款，另外仲有大蝦同海蜆。不過我今次咁啱餐廳比錯所以五花腩變咗牛小排～牛方面我哋仲有日本A4和牛同牛板腱，味道都好濃，和牛油脂豐富都有入口即溶嘅感覺。黑毛豬食落好嫩滑而且係高質豬肉嘅感覺，令到平時不喜豬嘅我都食多咗🙈雞肉方面有巴西無骨雞上脾，會連同雞皮係上面，燒完個肉質都係粉嫩而且一咬就會有肉汁流出嚟，另外仲有雞皮燒完真係好香好邪惡。大蝦有兩隻大大隻，食落好彈牙爽口，連個蝦頭都係甜嘅。最後蜆就有5粒，餐廳都貼心地先開殼避免燒到一半開會彈到客人，每粒食落都係大蜆好滋味。其實佢每一份肉都已經醃好味道，而且個爐都係燒得好方便，整體燒肉體驗都好好。
.
🌟台式紅燒牛肉麵 $88
湯底我選擇咗川辣味，飲落好香味道亦都濃郁，入面仲要有超多舊牛，講緊可能係食咗5－7舊同時仲要唔細舊，完全係冇諗過可以咁足料，入面連蘿蔔都煮得好腍身。至於麵係比較煙韌，係我鍾意食嘅口感。
.
🌟小碗手工魯肉飯配溏心蛋 $38
建議胃口唔太大兩個人真係可以叫燒再加呢個飯，又平又好食，魯肉味濃有少少甜味，溏心蛋煮到流心程度啱啱好👍🏻
.
🌟Pinku Pinku $45
呢杯係堂飲限定嘅玫瑰荔枝鮮奶冰，我有叫少甜，飲落荔枝味都出而且少甜後甜度適中。另外佢真係超適合打卡，成杯都粉紅色之餘，上面仲有忌廉營造雪崩感覺，充滿少女心。
.
🌟戀上水果茶 $42
呢杯叫咗半糖，口味都好適合我味，入面都有唔同嘅新鮮水果可以食。
.
🔸整體評價🔸
呢間無論食物定飲品都滿意，而且價錢其實都唔係算貴。餐廳環境都設有多個打卡位，可以選擇坐室內外，就算室內都可以帶寵物一齊食架🥰
Post
