🍍威士忌烤鳳梨內群柳
18cm長嘅牛柳片夠晒霸氣！夾住烤鳳梨同洋蔥一齊燒，果甜帶出肉香，個醬微微酒香唔會搶味，試過返唔到轉頭～
👅芝麻牛舌片
牛舌薄切撒滿芝麻，烤到邊位微焦脆口，咬落爽彈有肉汁，簡單蘸少少海鹽已經好正。
🥃威士忌醬烤鮑魚
估唔到鮑魚同威士忌咁夾！醬汁甜香帶炭燒味，鮑魚燒到剛好彈牙，海鮮迷必點。
🐮M5和牛任食套餐
食肉獸天堂！$498位任食104款食材，重點狂掃M5和牛肩脊位，油花均勻入口即溶。每位送兩件牛舌芯，厚切多汁超抵讚～
🍚櫻花蝦飯DIY
自助區任撈櫻花蝦、蔥花、滷肉汁，我鍾意撈到滿瀉，飯粒吸晒蝦香同肉汁，食兩碗都唔過分！
1
🫙十二味醬料區
黃金醬（蔬菜mix麻醬）、薑味可樂醬（甜辣過癮）、五味醬（台式經典）輪住試，夾燒肉好玩又惹味。
💡小貼士
晚市勁爆場！建議訂枱時預留卡位，座位闊落唔會焗促。任食套餐包埋汽水/茶，加$38升級台式飲品，推薦鳳梨冰茶解膩～
和牛質素對得住價錢，威士忌醬系列有驚喜，最正係任食唔限時，慢慢燒夠chill！
