KOUDA Japanese Restaurant

旺角好似精緻嘅嘢食唔多，夜晚同自己阿媽食私房菜，中午同奶奶都要食好啲，最終去咗帝京酒店呢間日式嘢度食。
原本想點蟹套餐，但結果奶奶冇興趣，咁就跟佢一齊點丼飯。

跟餐

先上前菜小女子，正常好食。

2

唔記得確實價錢

$360

奶奶鍾意三文魚，唔鍾意太多款刺身，所以叫咗北海道海鮮丼佢食，得三文魚、帶子、蝦同三文魚子，佢話好食。

1

特上刺身丼

$488

我同老公都叫咗一樣嘅特上刺身丼，都係經典配搭，質素當然比一般街邊嘅日式刺身丼飯好食啲，但又冇話食落口有驚喜，一切正正常常，甚至覺得有少少平凡。不過個飯底有啲唔同，係黏少少嘅飯，有少少糯米嘅口感。

跟餐

好多日式餐廳都會問要雪糕/咖啡，呢間竟然係和菓子，有啲意外。都好嘅，算係最有特色嘅一碟。

1

小枱燈

枱面嘅小燈，幾靚。
餐廳都有一半入座，所以再一次冇周圍影環境嚕。


整體嚟講算係咁，以孝子食評而言，長輩會嫌環境暗咗啲，年輕人應該唔覺。
如果喺旺角要約人去啲環境唔迫、高級少少嘅餐廳可以嚟呢度，
但如果係為咗食物，呢度未必係首選嘞。
不過啲員工態度都幾好嘅，雖然要我哋填問卷呢下有啲怪，不過因為態度好，所以都OK嘅。