Owens (砵蘭街)

太子旺角這些地方早已成為cafe嘅集中地，但係要係咁多嘅cafe之中要脫穎而出，就是一件非常困難嘅事，而依間Owens就靠著高質嘅食物和良好嘅態度令我明白點解佢係咁多cafe之中都可以吸引咁多人願意係太陽底下等位

每款甜品都好吸引

一入到去就見到一個甜品櫃，裏面擺着嘅每一款甜品都非常吸引，恨不得自己個胃大啲，可以全部試晒

柚子炸雞甜甜哋，食落都脆身，但就係要快啲食，唔係凍就淋咗

$68

韓式柚子炸雞牛角窩夫 $68

因為我唔係好想食意粉或者飯，所以選擇咗窩夫，份量唔係好多，作為一份下午茶都差唔多夠飽；炸雞炸到好脆，柚子醬味道也剛剛好，唔會太甜，不過就要快少少食，因為佢係炸好咗啲炸雞之後，表面淋上韓式柚子醬，所以放太耐，表皮會吸收咗韓式柚子醬嘅水份變得好淋，咁就唔好食；窩夫都算鬆脆，配上柚子醬一齊食也不錯

炸到金黃色，食落唔會好重油，配上旁邊嘅醬，可以減低油膩感

$28

追加$28洋蔥圈 $28

因為我未食午餐，一份窩夫對我來講就唔係太夠飽，所以就加多左一份洋蔥圈，洋蔥圈炸到香脆，再配上旁邊嘅醬汁，一流！

雖然係重口味，但是食落不會讓人覺得過鹹

$38

追加$38水牛雞翼 $38

同行人士就加咗一份水牛雞翼，雖然係重口味，但係食落口，肉汁豐富，再有辣味加上蒜味，令人食完一隻有一隻

肉眼扒好厚身，食落都好juice  ，而且唔會好難咬

$128

鹿兒島黑豚豬肉眼扒 $128

同行人士叫咗一個正餐，意粉嘅份量好多，雖然係白烚意粉，但係配埋旁邊嘅汁一齊食都唔錯；肉眼扒就非常大塊和好厚身，肉汁都算豐富，唔會好乾身，咬落去都唔會好難咬開，都算軟嫩，而且肉眼扒已經調好咗個味，就算唔點汁食味道都相當唔錯

正常水準，冇太特別

餐湯，因為肉眼扒包咗一個餐湯，所以我都係試咗幾啖就比返同行人士飲，餐湯飲落幾香野菌味，而且仲有少少一粒粒嘅質地，應該係將某啲蔬菜打溶成湯，我個人就一般般，但係同行人士一下子就飲晒，話幾好飲

卷蛋唔會好實身，食落軟熟，再配上伯爵茶cream都唔會好膩，中間有一大嚿麻薯，不過比餅乾遮住咗

$38

加配$38甜品（伯爵蛋卷）$38

原本會來呢一間Cafe，就係因為呢個伯爵茶蛋捲，咁邊有可能唔叫，雖然見佢其他甜品都好吸引，但係因為已經有啲飽，所以淨係加咗一份甜品，伯爵茶味好香，蛋捲好鬆軟，唔會好實身，配埋中間啲cream一齊食，簡直一流！而且最中間嗰舊麻糬都非常大嚿，但係好容易一次就食晒🫢因為真係太煙靭

整體來講，食物質素同服務都好好，不過晏晝就比較多人，可能需要排隊嘅時間比較長少少，但都幾值得一試！


以上均是我個人觀感，每個人嘅口味各有不同，所以末必同每個人嘅用餐感覺一樣，如有不同，敬請見諒。