Homeland (牡丹大廈) (Moved) New Location

同朋友傾開計，話Homeland 嘅嘢食唔錯，不過就響大埔，身為九龍人嘅我好少踏足新界，慶幸原來九龍響大角咀新開左分店，於是訂枱去試吓。黑松露薯條，薯條厚肉，炸得外脆，配上黑松露醬，味道濃郁。爆炸楓糖三文魚柳配薰衣草忌廉汁，用爆炸糖入饌夠創新，且楓糖味好特別，三文魚夾著爆炸糖，口感新鮮，配上薰衣草忌廉汁，有著薰衣草田園之感覺。秘製伊比利亞火腿卡邦尼意粉，幼滑的忌廉，香濃的雞蛋，將意粉mix埋一齊，口感creamy，伴著風乾火腿片，入口咸香。滿意的食物，簡單的裝潢，還有店員親切的服務，帶來一種家的感覺！