型點特色點心專門店

Open Now

Now Closed

今日喺大埔探完朋友之後，去咗安慈路一間叫「型點特色點心專門店」嘅點心舖飲茶。呢度深受街坊歡迎，星期日嘅午市座無虛席，最吸引係唔收加一服務費，只收取茶介每位$6，比起喺其他酒樓飲茶更抵。呢度嘅點心全部都係即叫即蒸，落單後雖然有等候嘅時間，每一籠點心拎出嚟嘅時候都係熱辣辣。🍊 荷葉籠仔蒜蓉鳳尾蝦飯呢間餐廳特色嘅點心，點心籠加大片荷葉去蒸，上面配有蒜蓉鳳尾蝦，令到下面嘅飯吸收晒荷葉、蒜蓉同鳳尾蝦嘅香味，加入少許豉油令到每一啖飯都好香口，而且蒸飯做到每粒飯都好乾身，粒粒分明，鳳尾蝦充滿彈性，蒜蓉濃郁香口🍊 魚肚鮮雞扎雞扎用料豐富，入面有魚肚、雞肉、芋頭、蟹柳同炸腐皮，魚肚煮到非常入味，雞肉蒸完都尚算嫩滑🍊 型點蝦餃皇蝦餃王皮薄餡靚，蝦餃皮做到好薄而唔重粉感，蝦肉餡料非常足料，咬落去爽口彈牙，內裏仍然充滿肉汁，即叫即蒸令到蝦餃皮上菜時仍然非常軟熟🍊 香菇燒賣皇相比起一般嘅燒賣，呢個香菇燒賣王好大粒，餡料有爽口嘅蝦肉、肥美嘅豬肉同濃郁嘅香菇，上面有蟹籽作點綴，咬落去餡料充滿肉汁，味道濃郁，推介大家必試🍊 鮮魷土豆粉鮮魷嘅份量充足，咬落去口感爽彈，加入紅椒同少許辣味令到鮮魷嘅味道更惹味，再配搭吸味嘅