Polaris

Open Now

Now Closed

【大埔區】【Polaris】我一而再，再而三咁樣講話大埔呢個地方係人傑地靈，當然係因為我認識親自稱住大埔嘅異性都令我神魂顛倒，有個別嘅成員更加去到魂牽夢縈嗰隻，都幾誇張。因此我先會得出呢個結論，而每次講親大埔都要將佢發揚光大。當然每次一講到呢樣嘢，有啲比較敢言嘅讀者就會講：「挑，咪又係因為『女同事』！」我就不願置評喇，唔係理虧，而係呢啲惡意嘅討論對件事毫無幫助，促成唔到大家進步，咁講嚟又有乜意義呢？我份人好含蓄架嘛。之前講到我好中意食呢度間石燒牛，咁佢隔離其實有另一間西餐，次次都食石燒牛，不如搵次食吓佢。始終講到飲飲食食，我就未必好似對待感情咁「痴心情長劍」。入到去都覺得幾舒服，陳設簡約，簡單企理，係唔錯。叫個 $98 嘅「慢煮西班牙栗飼豬肉眼」配奶油薯蓉同青蘋果蓉，後者配豬好清新，薯蓉都正，個豬扒厚實而唔靭，又香豬味，幾好。爭啲唔記得講，餐湯係「南瓜忌廉湯」，南瓜味夠，配埋忌廉感覺又滑又綿密，真係好飲嘅。餐飲我揀咗「蜂蜜檸檬」，飲落幾清香，生津解渴，細細杯幾得意。老細突然喺廚房走出嚟叫我試少少佢哋試整緊嘅「紅酒汁牛肋條」，搵我就錯喇，我有 bias 係唔中意酸汁，但佢整得好香牛味同好