鮨一日本料理 (翠怡花園)

Open Now

Now Closed

【大埔區】【鮨一日本料理】大埔係一個人傑地靈嘅好地方，餐廳嘅質素普遍都高。所以第一次同上司羶鹵獅食飯，都揀咗嚟呢區，穩穩陣陣搵咗間日本嘢嚟試一試佢。一嚟就整兩隻「日本真蠔」畀羶鹵獅試吓，$136 嘅價錢，羶鹵獅佢話好食就得啦。跟住嚟咗份 $288 嘅「象拔蚌刺身」，都食到佢舔舔脷，的確係鮮味足、口感嫩。而 $98 嘅「甲羅燒」佢居然第一次食，我就唔係，我覺得幾鮮幾濃味。跟住兩款主食，$98 嘅「鰻魚炒飯」同 $65 嘅「燒雞扒烏冬」都唔錯喎。我都同羶鹵獅講我唔太好米飯，但呢個炒飯我都好快爬晒，個烏冬都好順滑好正。跟住試啲串燒，分別係 $32 嘅「豚肉露筍卷」、$18 嘅「燒日本青椒仔」同 $18 嘅「燒鮮冬菇」，三款都香口得嚟保留到食物味道，幾好。最後食 $26 嘅「日本芝士蛋糕」同 $28 嘅「抹茶蕨餅」做甜品，都做到一個唔錯嘅終結。嘢飲方面我飲 $28 嘅「巨峰梳打」，羶鹵獅飲 $28 嘅「熱情果梳打」，濃得嚟唔會過甜。埋單 $949，又生蠔，又象拔蚌，上司開心，掂晒。。。（地址：大埔翠怡街3號翠怡花園B座16號舖）#1amfoodie #foodie #hkfoodie #tha