Video
Read full review
2019-03-02
63 views
放工唔想特別出油尖旺食飯，而且攰到唔想食飯麵落肚，所以揀咗去食串燒，醫到個肚之餘份量又可以自己控制。近近地去咗太和芝加哥串燒酒場，鋪位雖小，但都係一個食住串燒、飲下酒傾計嘅好地方。餐牌好多款串燒選擇，有海鮮、肉類同蔬菜類，花多眼亂，所以決定每樣都叫啲，樣樣試下。🔹 Little Creatures Dog Days $46 + Little Creatures Pale Ale $46建議等串燒期間可以嗌支手工啤傾住計等食，因為即叫即燒，要花小小時間等候。呢到啤酒選擇比我想像中多，最後揀咗手工啤🍺我覺得Little Creatures Dog Days 比較適合女生飲，啤酒苦澀味唔太重，而且有少少甜；相反後者Little Creatures Pale Ale就重啤酒苦味。🔹 芝士燒廣島蠔 $25/隻 + 香蔥燒豐殼扇貝 (兩隻) $39海鮮控必點，蠔同扇貝好新鮮，大力推薦！因為即叫即燒，所以每款都熱辣辣奉上，扇貝個汁做到好惹味😋有啲後悔無再encore叫多幾隻。🔹 芝士雞肉串 $20 + 燒雞翅包飯 $18芝士雞肉串無諗過會有咁多芝士，係包圍住每粒雞肉，而且好嫩滑，不錯！燒雞翅
近近地去咗太和芝加哥串燒酒場，鋪位雖小，但都係一個食住串燒、飲下酒傾計嘅好地方。餐牌好多款串燒選擇，有海鮮、肉類同蔬菜類，花多眼亂，所以決定每樣都叫啲，樣樣試下。
🔹 Little Creatures Dog Days $46 + Little Creatures Pale Ale $46
建議等串燒期間可以嗌支手工啤傾住計等食，因為即叫即燒，要花小小時間等候。呢到啤酒選擇比我想像中多，最後揀咗手工啤🍺我覺得Little Creatures Dog Days 比較適合女生飲，啤酒苦澀味唔太重，而且有少少甜；相反後者Little Creatures Pale Ale就重啤酒苦味。
🔹 芝士燒廣島蠔 $25/隻 + 香蔥燒豐殼扇貝 (兩隻) $39
海鮮控必點，蠔同扇貝好新鮮，大力推薦！因為即叫即燒，所以每款都熱辣辣奉上，扇貝個汁做到好惹味😋有啲後悔無再encore叫多幾隻。
🔹 芝士雞肉串 $20 + 燒雞翅包飯 $18
芝士雞肉串無諗過會有咁多芝士，係包圍住每粒雞肉，而且好嫩滑，不錯！燒雞翅包飯有啲辣，入面嘅飯用辣椒汁去炒，非常開胃。
🔹 一口雪花牛肉串 $24
🔹 蜜糖雞翼 (兩隻) $20
🔹 新鮮翠肉瓜 $14
🔹 日本一口番薯仔燒 $18
🔹 鹽燒多春魚 (四條) $25
🔹 串燒鵪鶉蛋 $18
呢幾款應該係普遍去食串燒都會點嘅款式，雖然大眾化，但係都唔馬虎。每件都燒得好入味，就好似蜜糖雞翼係出奇地多蜜糖醬，有誠意。雪花牛肉串都不錯，鹽適量地均勻鋪滿雪花牛肉上面，火燒後肉汁更惹味可口，Juicy！
📍芝加哥串燒酒場
大埔翠樂街11號美豐花園地下10號舖
．
．
環境分數：7.5/10
食物分數：8/10
Encore分數：8/10
Post
