我勁鐘意食涼皮架
但食開果間喺旺角🌶🌶🌶
無理由下下過海
點知俾我發掘到呢間鋪頭
味道仲唔錯添🤣
不過由於配料蔥同芫荽已經一早撈好咗😅
無得要蔥唔要芫荽咁架
同埋本身啲料係已經有調到辣味
即使你個麵揀唔辣都係會辣辣地
所以完全唔食得辣嘅朋友仔要注意返😝
第一次見非肉類嘅配料可以多成咁樣🤗🤗🤗🤗
平時極其量可能得腐皮、蓮藕頂多得木耳
1
呢度連四季豆、百頁豆腐、萵筍呀、海帶呀等等比較少見嘅材料都有
最抵讚嘅係每樣嘢個底味都好唔同🥰🥰🥰🥰
非常有心機
唔會hea到樣樣嘢個味道都一樣
涼皮好大碗呀
食咗勁耐先食得曬
不過最主要係我叫小辣都愈食愈辣🌶🌶🌶🌶
搞到我要叫杯凍檸茶🧊🍋🍵
但係我係好enjoy嘅
而小菜選擇亦唔少
我哋揀咗酸薑皮蛋🍳🥚🍳🥚
皮蛋入口即溶，味道濃郁
酸薑就有啲唔平均
我食果塊勁辣勁刺鼻
但我同事食果塊居然完全無事
搞到我唔敢食第2塊
以價錢同味道嚟講🥰😇
我覺得可以有第二、三次
