Video
Read full review
2018-08-27
122 views
之前最少食過三、四次灣仔區風雲丸，自從喺尖沙咀開分店後一次都未試過，每次經過都見到有 10 幾人排隊，今日心血來潮好想食拉麵，就試試呢間風雲丸如何，覺得灣仔有不錯水準，呢邊應該都唔會太差，點知⋯⋯大伏。一早預咗要排隊，所以排隊不在我評價的範圍之內，亦都習慣香港的店舖排隊方法，有兩人位就兩個人坐先，我哋一行三人就要等到有三人位空出嚟先，不過沒有多等幾多分鐘，如果要來食，真的要有心理準備排隊。一行三人被安排坐 bar 枱，如果唔入座相信要多等十分鐘，bar 枱煙霧非常大，上方的抽油煙機無法即時將所有煙霧吸收，隔幾分鐘就有蒸臉感覺，嗯⋯⋯無辦法，都坐低了唯有硬食，希望餐廳之後可以改善呢個問題。-我就點了「石燒濃厚豚骨魚介味玉沾麵」($93)，走蔥走筍，朋友嗌咗同一款，無走任何配菜，最後兩碗上枱時都走晒蔥筍，朋友頓時失望。餐廳並非一人一張點單紙，而係一張枱 share 一張，點單紙設計方面由灣仔舖開始已經有問題，如果我們一行三人都點同一款食物，但全部有不同的 preference，究竟要點樣填店員先會明白？今次呢張單已經由店員幫我哋填寫都有出錯，希望將來會改善。朋友同我點同一款食物，但兩碗湯的
一早預咗要排隊，所以排隊不在我評價的範圍之內，亦都習慣香港的店舖排隊方法，有兩人位就兩個人坐先，我哋一行三人就要等到有三人位空出嚟先，不過沒有多等幾多分鐘，如果要來食，真的要有心理準備排隊。
一行三人被安排坐 bar 枱，如果唔入座相信要多等十分鐘，bar 枱煙霧非常大，上方的抽油煙機無法即時將所有煙霧吸收，隔幾分鐘就有蒸臉感覺，嗯⋯⋯無辦法，都坐低了唯有硬食，希望餐廳之後可以改善呢個問題。
-
我就點了「石燒濃厚豚骨魚介味玉沾麵」($93)，走蔥走筍，朋友嗌咗同一款，無走任何配菜，最後兩碗上枱時都走晒蔥筍，朋友頓時失望。餐廳並非一人一張點單紙，而係一張枱 share 一張，點單紙設計方面由灣仔舖開始已經有問題，如果我們一行三人都點同一款食物，但全部有不同的 preference，究竟要點樣填店員先會明白？今次呢張單已經由店員幫我哋填寫都有出錯，希望將來會改善。
石燒濃厚豚骨魚介味玉沾麵
$93
2 views
0 likes
0 comments
朋友同我點同一款食物，但兩碗湯的熱度、濃度都有明顯明顯分別，上枱時我個碗湯已經無滾嘅感覺，反而朋友個碗上咗幾分鐘後仍然滋滋聲，最失望一定係碗湯，除咗唔夠熱，仲唔夠濃，猶如普通拉麵湯底。如果兩碗一模一樣地差都算，同一時間出餐點解湯底都有如斯大分別？QC 有這麼差？味道除了淡咗少少，不過魚介味都非常突出嘅。
石燒濃厚豚骨魚介味玉沾麵
$93
18 views
0 likes
0 comments
麵底無得選麵質、軟硬度，淨係可以揀「溫／冷」，以前食過覺得都可以所以覺得呢度無得揀軟硬度都唔會太大問題。可惜，今次呢個麵底完全唔掛湯，無論浸10秒還是1分鐘都完全沾唔到湯，麵條又非常有嚼勁，直情係咀嚼唔到⋯⋯食到呢個位已經好失望⋯⋯不過朋友話佢個麵唔錯，睇嚟就只有我個碗好難食。
男友個碗就係咖喱沾麵，一上枱就有濃烈咖喱味，男朋友食完都話好好食，不過我一啖都無食就不多作評論。
咖喱沾麵
6 views
0 likes
0 comments
我都未試過寫咁多字去寫一碗麵，喺香港真係食過好多碗沾麵，再加上前段時間對風雲丸真係好好印象，點知今次喺尖沙咀呢間有呢個感覺，希望快快有進步啦，用呢個質素繼續做麵的話真係趕客㗎⋯⋯
總結：過多半年先再食多次啦～
Other Info. :
雖然灣仔個間間中都要排隊，但點解尖沙咀呢間每一刻都要排㗎⋯⋯
(The above review is the personal opinion of a user which does not represent OpenRice's point of view.)
Post
