Try My Bread (營盤街)

位於深水埗嘅一間小店，招牌係滑蛋吐司🍞同越式法包🥖。只有少量座位同企位，主力做外賣。
.
🦀「脆炸軟殼蟹滑蛋吐司」(HK$50): 用上原隻軟殼蟹所以一定食到啖啖蟹肉😌，比較香口(亦好邪惡)。賣相一流‼️ 勝在有滑蛋同生菜🥬中和番冇乜油膩感。牛油吐司🧈輕輕煎過所以更加熱同鬆軟。

脆炸軟殼蟹滑蛋吐司

.
🥑「牛油果拼蝦仁滑蛋吐司」(HK$40): 牛油果厚切、大大舊，不過當日咁啱未夠熟，偏硬。蝦仁有預先煎過都有心思，滑蛋🍳份量唔少。主要食到牛油香同沙律醬味，相對軟殼蟹吐司淡味少少。

牛油果拼蝦仁滑蛋吐司

.
當下午茶呢個size係好飽肚。賣相類似韓國Egg Drop，但未試過冇得比較。下次經過會試下越式法包😬。