Read full review
2021-06-06
23 views
疫情期間你以為無得出國旅行？乜你唔記得香港仲有元朗國咩？行政區內有個「國」你都咪話唔巴閉😤。見好多foodie 食蟹籽冷麵，一於聞名不如見面，睇下係咪真係咁足料咁多蟹籽先。呢度嘅🌶辣度都係特色之一，分別有爆爆爆/爆/大/中/小/蚊仔辣🦟/唔辣，任君選擇。自問食得辣嘅真係可以黎挑戰下，我呢d小廢廢(平時食譚仔五小辣）都係適合最小嘅辣度🙈。🌖爆茜蟹籽冷麵（蚊仔辣） $40店家真係落蟹籽芫茜毫不手軟，每一條冷麵都依附住粒粒蟹籽。蚊仔辣幾適合我，辣度未重到要飲野，但一入口就有感，仲好想一口接一口🤤。🌖賽螃蟹杯麵（蚊仔辣） $30賽螃蟹杯麵雖然都係叫蚊仔辣，但係因為蛋🥚、粟米🌽、蟹柳🦀、紫菜同埋裝飾用西蘭花🥦，辣度亦減左一半，多款配料加埋唔少得嘅蟹籽，口感非常豐富。🌖袋裝撈麵（小辣）$15/3包 $18/4包雖然我係食辣小廢廢，但我又唔甘心係蚊仔辣度止步，即管搵最細包嘅袋裝冷麵黎挑戰小辣啦❗️一開始唔算辣，但吞完就開始有灼熱感，仲開始出埋汗，一定要飲住野黎食。事實証明揀袋裝撈麵黎試辣係明智嘅決定，如果要食一盒小辣嘅話我真係未必頂得順🤭🤭。🌗鹵水雞翼尖🐥 $12唔食得辣嘅朋友仲有鹵水雞翼尖揀，鹵水唔
見好多foodie 食蟹籽冷麵，一於聞名不如見面，睇下係咪真係咁足料咁多蟹籽先。呢度嘅🌶辣度都係特色之一，分別有爆爆爆/爆/大/中/小/蚊仔辣🦟/唔辣，任君選擇。自問食得辣嘅真係可以黎挑戰下，我呢d小廢廢(平時食譚仔五小辣）都係適合最小嘅辣度🙈。
🌖爆茜蟹籽冷麵（蚊仔辣） $40店家真係落蟹籽芫茜毫不手軟，每一條冷麵都依附住粒粒蟹籽。蚊仔辣幾適合我，辣度未重到要飲野，但一入口就有感，仲好想一口接一口🤤。
🌖賽螃蟹杯麵（蚊仔辣） $30賽螃蟹杯麵雖然都係叫蚊仔辣，但係因為蛋🥚、粟米🌽、蟹柳🦀、紫菜同埋裝飾用西蘭花🥦，辣度亦減左一半，多款配料加埋唔少得嘅蟹籽，口感非常豐富。
🌖袋裝撈麵（小辣）$15/3包 $18/4包雖然我係食辣小廢廢，但我又唔甘心係蚊仔辣度止步，即管搵最細包嘅袋裝冷麵黎挑戰小辣啦❗️一開始唔算辣，但吞完就開始有灼熱感，仲開始出埋汗，一定要飲住野黎食。事實証明揀袋裝撈麵黎試辣係明智嘅決定，如果要食一盒小辣嘅話我真係未必頂得順🤭🤭。
🌗鹵水雞翼尖🐥 $12唔食得辣嘅朋友仲有鹵水雞翼尖揀，鹵水唔會太鹹，鹵嘅時間都控制得唔錯，唔會鹵到雞翼尖甩皮甩骨。
另外仲買左爆辣生蒜油（$25），辣🌶同蒜🧄都有齊，咁就自製蒜泥白肉都無難度啦😝。食得辣嘅仲可以試下爆辣哥斯拉雞翼😮😮😮，睇下會唔會辣到噴火🔥😏。
Post
