囍記車仔麵

Open Now

Now Closed

呢晚繼續熱到傻，想快啲搵間食店。呢間冷氣好夠，我地就衝入去。係呢間嘅，除左廟街個啲，呢個算係大鋪頭。入面算唔迫嘅，車仔麵檔黎講係幾好。（當然價錢係貴小小）自己揀好自己個款就交得，有小食可以叫。好耐無食河粉，我自己都幾鍾意幼身呢款。芝心丸麻麻地，蜂巢豆腐係幾正，加咗腩汁都ok。牛腩夠淋同入味，菠菜麵呢個都幾特別，感覺上健康啲。呢款河源米粉小小q，佢有啲似河粉，不過爽口啲，推介一下。台灣腸有小小甜，響鈴係滿足想打邊爐。豬紅就麻麻，有啲「鞋」。雞翼係煮得幾好，好入味，而且係熟哂。小食叫咗鹽酥雞，自己覺得麵粉多咗啲，肉計落無乜，唔抵。職員都係傾計，唔係好自動，我地都係自己招呼自己。