Video
Read full review
2015-09-09
870 views
落雨濕濕的星期日諗住搵間café食下tea hea半日，發現連鎖Café品牌La Kaffa終於係港島區開咗新分店﹗位於北角的新店以火車為主題，店內擺放咗唔少火車模型同路軌裝置，充滿復古情調。北角分店主打fusion菜式，除咗小食、意粉外，仲有多款all day breakfast任君選擇，而且價錢十分商宜，都係約$50-100。飲品方面選擇亦好多，咖啡、奶茶、水果茶等等都係$25-38左右，價錢非常親民。見到咁多款all day breakfast，都真係好難揀，仔細睇過menu上list out的配料之後，最終決定揀湯姆士早餐﹗我點的壺手工水果茶味道唔錯，亦十分足料，有藍莓、火龍果粒、士多啤梨粒、奇異果片等等，果味十足帶少少果酸，非常醒胃，仲有個非常精美的心型蠟燭台keep住烘熱。直到呢個moment我對呢間café的感覺依然係非常良好，諗住可以優優閒閒咁食野睇書。男友點咗杯普通凍奶茶，味道同色水都好麻麻，似台式珍珠奶茶的味道多於西式/中式茶味香濃個隻，得浸奶味。湯姆士早餐終於黎喇，男友食咗一啖腸之後，我望多兩眼碟早餐發現無咗我最想食的薯餅x2，仲有法蘭克福腸x2同埋煙肉x2，於是
落雨濕濕的星期日諗住搵間café食下tea hea半日，發現連鎖Café品牌La Kaffa終於係港島區開咗新分店﹗位於北角的新店以火車為主題，店內擺放咗唔少火車模型同路軌裝置，充滿復古情調。
北角分店主打fusion菜式，除咗小食、意粉外，仲有多款all day breakfast任君選擇，而且價錢十分商宜，都係約$50-100。飲品方面選擇亦好多，咖啡、奶茶、水果茶等等都係$25-38左右，價錢非常親民。見到咁多款all day breakfast，都真係好難揀，仔細睇過menu上list out的配料之後，最終決定揀湯姆士早餐﹗
我點的壺手工水果茶味道唔錯，亦十分足料，有藍莓、火龍果粒、士多啤梨粒、奇異果片等等，果味十足帶少少果酸，非常醒胃，仲有個非常精美的心型蠟燭台keep住烘熱。直到呢個moment我對呢間café的感覺依然係非常良好，諗住可以優優閒閒咁食野睇書。男友點咗杯普通凍奶茶，味道同色水都好麻麻，似台式珍珠奶茶的味道多於西式/中式茶味香濃個隻，得浸奶味。
湯姆士早餐終於黎喇，男友食咗一啖腸之後，我望多兩眼碟早餐發現無咗我最想食的薯餅x2，仲有法蘭克福腸x2同埋煙肉x2，於是就即刻問下店員喇，之後店員話幫我問問。然後就換咗另一位店員過來解釋，話啱啱轉咗少少menu上的野，可能廚房唔知所以漏咗，跟住佢話會補返當今次請我食喎﹗咁其實我都係跟menu叫啫，你補返比我係應份架，點解講到好似我R你要你free比我咁呢…..
最後當然係有補返喇，不過補完又係漏 (法蘭克福腸x2)，我都費時再追喇…..
咁諗住算慢慢食喇….點知另一位店員又過來話今晚呢度有人包場宜家last order，問我仲有無野點。我問返佢咁可以坐到幾點，佢話5:30，但個時已經5:10，我地D野都係啱啱先黎齊。我4:50度先入座，同佢講話你地無同事話我知只可以坐到5:30，佢就好似扮聽唔到咁行咗去。雖然最後坐到5:45度，不過都好似逼住嗱嗱淋食埋咁，坐無一粒鐘，書都未拎出黎睇。當然人地包場唔係咩問題，但係可唔可以係我入座之前講聲先呢？個段時間都有幾枱人坐落無耐，跟手6點前又要埋單。可能新店D人未上哂手，但係我覺得誠意係可以搭夠，不過暫時我見唔到呢度有，希望之後可以做得好D喇。
Post
