Mano (海濱匯)

Open Now

Now Closed

之前黎食過weekend brunch，pizza 餅底煙韌充滿麵粉香，令人印象深刻；今次就嚟食dinner，估唔到平日商廈入邊嘅食肆都有唔少顧客，食物方面唔知今次又有冇驚喜呢～Set Dinner for 2(4 courses) $788🌗巴馬火腿雜莓田園沙律羅馬生菜爽脆新鮮，少有咁配上雜莓，令菜式添上酸甜味道；另有櫻桃蘿蔔片同mozzarella cheese，增添口感；巴馬火腿被撕開成細細片，容易入口唔會過鹹；整體而言係個創新嘅嘗試。🌖南瓜湯南瓜味超重，順滑得黎略帶顆粒感，唔會落得太多嘅忌廉，入口清爽，飲多幾碗都無問題！🌖脆皮乳豬西蘭花苗配黃薑蕃茄飯乳豬皮外脆內嫩，略帶豬肉味，仲非常juicy，一切落去咇汁出嚟！份量都唔少，有¼隻乳豬，而且肉嘅比例都幾高，都幾飽肚；黃薑蕃茄飯稍乾，濕潤返少少就perfect~~🌗新鮮黑松露蘑菇薄餅一上枱就聞到超香松露味！肉眼可見大量新鮮松露薄片，絕對真材實料！新鮮蘑菇配上松露醬、松露薄片以及芝士，味道較簡單純粹，邊邊位置又咬到麵粉香，可以享受食材嘅原味道。🌗自家製甜品是日甜品係士多啤梨慕絲蛋糕同朱古力慕絲蛋糕，後者味道較甜。