1
講到最驚喜，就係食到而家好多地方都冇嘅金錢雞！仲記得細個跟阿爺去酒樓成日食，而家真係買少見少㗎～
🍖 城寨叉燒皇 ($188)
外層焦香得嚟唔會燶，內裡肉質鬆化，個秘製醬汁甜度啱啱好，送飯真係一流！
🍢 金錢雞 ($68/件)
「金錢雞唔係雞」真係無講錯！用肥瘦豬肉同雞肝串住燒，入口油香爆發，個雞肝甘香豐腴，傳統味道果然正！
🦞 九層塔炒龍蝦 ($538)
龍蝦肉爽彈鮮甜，九層塔香氣完全滲入龍蝦肉，鑊氣十足！
🌽 椒鹽粟米 ($128)
外層香脆，內裡爆汁！椒鹽味道恰到好處，做小食真係停唔到口～
🍲 黑蒜螺燉雞湯 ($108/位)
黑蒜嘅香甜同螺頭鮮味完美融合，飲完成個胃暖笠笠，滋補又唔油膩！
🐟 豉蒜滑蛋炒鯛魚片 ($168)
鯛魚片嫩滑得嚟唔會散，滑蛋吸收晒豉蒜香氣，超級下飯！
🍚 鮑魚撈飯 ($168/位)
原隻鮑魚炆得軟淋入味，鮑汁香濃，撈飯真係無得頂！
🍰 懷舊馬拉糕
即叫即蒸，鬆軟得嚟帶淡淡黑糖香，食完成頓飯真係大滿足！
溫馨提示：想食金錢雞記得提早預訂，因為每日限量，真係好快賣晒！快啲約埋班friend去懷緬下傳統粵菜啦～
