Video
Read full review
2024-05-23
45 views
【九龍城區】【滿地可餅店】大家都知我係喺紅磡返工嘅，所以雖然講到去餐廳食飯就盡量會做到十八區報到，但係有啲生活化啲嘅飲食選擇，都會想喺返附近完成。之前講過宵夜檔，今次就講麵包舖，喺黃埔站 A 出口一出就見到嘅呢間「滿地可餅店」就係我最近食得比較多嘅一間。初初見佢個名以為會賣加拿大嘢甚至法國嘢，點知原來係本地薑，係地道港式麵包店。我試過呢間好多樣嘢，例如 $22 嘅「斑蘭瑞士卷」，係幾香幾好食嘅。而 $10.5 嘅「花生忌廉包」同 $13 嘅「布甸麵包」都係我喜歡嘅麵包，當然仲有 $6 嘅「豆沙燒餅」。焗嘅嘢我試過 $12 嘅「雞批」，幾好，而 $6 嘅「蛋白蛋撻」係牛油皮，經理哥都話正。而 $9 嘅「蛋黃酥」同 $7 嘅「提子鬆餅」都焗得好香好正。甜品有各 $12 嘅「朱古力泡芙」同「燉蛋」，甜而不膩，正。我仲未試過佢哋出名嘅麻糬波波，下次吧。。。（地址：紅磡民兆街2-20號黃埔新村地下N1號舖）
初初見佢個名以為會賣加拿大嘢甚至法國嘢，點知原來係本地薑，係地道港式麵包店。我試過呢間好多樣嘢，例如 $22 嘅「斑蘭瑞士卷」，係幾香幾好食嘅。而 $10.5 嘅「花生忌廉包」同 $13 嘅「布甸麵包」都係我喜歡嘅麵包，當然仲有 $6 嘅「豆沙燒餅」。
焗嘅嘢我試過 $12 嘅「雞批」，幾好，而 $6 嘅「蛋白蛋撻」係牛油皮，經理哥都話正。而 $9 嘅「蛋黃酥」同 $7 嘅「提子鬆餅」都焗得好香好正。甜品有各 $12 嘅「朱古力泡芙」同「燉蛋」，甜而不膩，正。我仲未試過佢哋出名嘅麻糬波波，下次吧。。。
（地址：紅磡民兆街2-20號黃埔新村地下N1號舖）
Post
