拾味正宗刀削麵館 (歌賦街) (Closed)

刀削麵平時主要都係湯麵為主，比較少係拌嘅刀削麵，而且仲有分熱拌刀削麵和冷刀削麵，款式都幾多，除此之外，餸嘅款式都好多，選擇困難症嘅我揀咗好耐先諗好要啲咩

除咗刀削麵之外仲有菜飯可以選擇

就算係餸都有唔少選擇

留意番，佢哋麵係唔包野飲架，野飲要額外收錢

湯底偏淡，麵嘅份量雖然多，但對比之下餸嘅份量唔多，好容易食完餸，嗰麵仲有一半未食，但係叫多一個餸又太飽

$58

麻辣東坡肉刀削麵 $58

餸跟麵是分開的，不用擔心東坡肉嘅辣會滲透到麵之中，而且東坡肉都好肥好大一嚿，表面有超多蒜蓉和辣椒，未食都已經聞到好香，不過食落都唔係好辣，肉質都好淋，唔會死實實咁，算幾好食，另外麵嘅份量好多，但係湯底味道比較清淡，食到後期會有少少悶（因為餸已經食完）而且太過單調，所以最後食剩咗少少

豬頸肉幾好食，四川擔擔醬唔算好辣，大概三哥三少辣嘅辣度，有少少肉碎花生碎，食落都幾香

$62

豬頸肉熱拌刀削麵 $62

豬頸肉嘅份量比東坡肉多，而且感覺上拌嘅刀削麵冇湯刀削麵咁飽肚，所以依個食得晒；豬頸肉雖然油脂好豐富，但係佢燒過，將啲油分迫咗出嚟，所以食落口都係肥，但係唔會好油膩，食多幾件都可以，四川擔擔醬食落唔係好重花生醬，所以食落唔係好滯，有少少肉碎撈勻一齊食都唔錯

我覺得野飲就好一般，如果唔係真係好口乾，建議出去買嘢飲

野飲個人覺得一般，可以唔叫都得

🔆整體來講，食物方面都唔錯嘅，但係佢嘅環境令我覺得佢唔太值得咁嘅價錢

以上均是我個人觀感，每個人嘅口味各有不同，所以末必同每個人嘅用餐感覺一樣，如有不同，敬請見諒。