炭火烤免治羊肉串
不同於傳統羊肉串，佢用免治羊肉整成羊肉串，入口軟嫩多汁，炭火香氣撲鼻😍羊肉本身唔會太騷，仲帶有微微嘅辣味，增添層次感👍🏻特別要提到嘅係配搭嘅薄荷醬，清新嘅薄荷味完美中和羊肉嘅濃香，食落清爽又唔膩🥰
炭火烤八爪魚
呢條炭火烤八爪魚份量十足，超大條😍咬落去口感彈牙，需要啲力度先食到，充滿咀嚼嘅滿足感🤣炭火烤出嘅焦香同八爪魚嘅鮮味完美融合，配上一個帶有微甜嘅特製醬汁，甜中帶鮮，層次豐富☺️
招牌奶油咖喱雞
奶油咖喱係呢到嘅招牌，揀咗奶油咖喱雞☺️濃郁嘅牛油同奶油香氣撲鼻，入口滑順，咖喱醬汁帶有陣陣蕃茄嘅酸甜，味道平衡得恰到好處🤩雞件份量多，肉質嫩滑，食落每一啖都好享受，份量足夠～
松露芝士薄餅
松露芝士薄餅份量大大塊，松露香氣濃郁撲鼻，芝士香濃😍薄餅嘅口感鬆軟，配上濃厚嘅松露同芝士，味道同奶油咖喱雞意外地夾，正！
Mango Lassi
印度菜必點飲品！濃郁嘅芒果香同酸奶嘅滑順口感完美融合，甜度適中，清新又解膩👍🏻不過如果杯嘢飲可以再凍啲就好🤣
Chutney’s Iced Tea
充滿驚喜嘅特調飲品，包括新鮮石榴、桃子、紅茶同埋橙，味道層次豐富，酸甜平衡，帶有淡淡嘅果香同茶香，清爽冰涼嘅口感加上橙片嘅點綴，視覺同味覺都係享受🤩
總結：有fine dine感覺嘅印度料理，對印度菜另眼相看！
