Video
Read full review
2019-02-06
142 views
臨近農曆新年就嚟收爐，打算食好啲迎接美好嘅假期😂 而且去完日本返嚟，一直心思思仲想繼續食日本野（日本野係食唔厭架！），但又唔想去連鎖店，所以上網搵下有無其他地方好選擇。見到位於尖東有間日式料理，平時唔覺眼，因為尖東一帶比較多酒吧又或者小食店，見搭火車同巴士都好方便，一於就試下新野先！雖然店鋪唔算大，但裝飾感覺都好日式居酒屋，坐得幾舒服。而且店員有禮，會向你推介時令食材。🔹 日本兵庫縣室津蠔(4隻) $180撞啱有十六週年優惠，就揀咗兵庫縣室津蠔😋 每隻蠔肉質好肥厚，好creamy鮮味，一啜成舊食入口，好正！🔹 店長精選時令壽司 $298食得日本野就一定要食壽司，所以揀咗個拼盤食，就可以每款都試啲。分別有：特選海膽、吞拿魚腩、左口魚邊、三文魚籽、鐵火卷、劍魚腩、油甘魚、帆立貝。壽司新鮮，而且厚切魚生，食落啖啖肉。個人最愛係帆立貝，肉質肥厚，好好味。🔹 自家製厚燒玉子 $58玉子甜甜地，口感軟熟，幾好。🔹 舞茸天婦良 + 沙錐魚天婦良 $58 $62呢個有驚喜！未食過沙錐魚嘅我，本身以為會有骨，但相反係啖啖肉，成條食哂無骨，而且魚肉好嫩滑，無揀錯😋 舞茸天婦良都幾特別，炸得幾香
見到位於尖東有間日式料理，平時唔覺眼，因為尖東一帶比較多酒吧又或者小食店，見搭火車同巴士都好方便，一於就試下新野先！
雖然店鋪唔算大，但裝飾感覺都好日式居酒屋，坐得幾舒服。而且店員有禮，會向你推介時令食材。
🔹 日本兵庫縣室津蠔(4隻) $180
撞啱有十六週年優惠，就揀咗兵庫縣室津蠔😋 每隻蠔肉質好肥厚，好creamy鮮味，一啜成舊食入口，好正！
🔹 店長精選時令壽司 $298
食得日本野就一定要食壽司，所以揀咗個拼盤食，就可以每款都試啲。分別有：特選海膽、吞拿魚腩、左口魚邊、三文魚籽、鐵火卷、劍魚腩、油甘魚、帆立貝。壽司新鮮，而且厚切魚生，食落啖啖肉。個人最愛係帆立貝，肉質肥厚，好好味。
🔹 自家製厚燒玉子 $58
玉子甜甜地，口感軟熟，幾好。
🔹 舞茸天婦良 + 沙錐魚天婦良 $58 $62
呢個有驚喜！未食過沙錐魚嘅我，本身以為會有骨，但相反係啖啖肉，成條食哂無骨，而且魚肉好嫩滑，無揀錯😋 舞茸天婦良都幾特別，炸得幾香口，但唔係太食到舞茸嘅味道。
🔹 一口蕃薯串(2串) $36
平時食開蜜糖蕃薯，今次呢個做法係牛油蕃薯，個配搭又ok喎！蕃薯好甜好煙韌，一個人成哂成串都無問題。
🔹 牛舌串(2串) $70
牛舌比坊間厚實，但有少少韌，不過幾香口。
🔹 蕃茄豚肉卷串(2串) $50
蕃茄嘅酸可以化解咗豚肉嘅肥膩，兩者好match，雖然平時少食蕃茄，但今次都比平時食多咗幾舊，因為確實幾好。
🔹 田樂豆腐 $68
豆腐皮炸得好香脆，口感紮實，配埋田樂味噌醬，鹹味與甜味調得剛剛好，幾特別嘅一道菜。
🔹 蒲燒鰻魚飯 $148
鰻魚好大條，夠哂同人share食，而且鰻魚味重、新鮮又無細骨，啲肉唔會一夾就散開哂，夠哂厚實，不錯。
📍沃川自家料理
尖沙咀麼地道75號南洋中心UG5-8號舖
．
．
環境分數：8/10
食物分數：8/10
Encore分數：7.8/10
Post
