Video
Read full review
2015-09-14
727 views
觀塘的「小時光」台式餐廳，之前試菜期間似乎頗為混亂，出現唔少差評，搞到我哋一直未敢試住。時間飛快，到而家已經開咗4個幾月，服務同食物質素應該穩定喇掛？！星期日下午，決定同大少去闖一闖！▼ 餐前注意 ▼1. 平時weekdays可直接喺正門搭lift上，但假日就麻煩啲喇…… 要由停車場入. 2. 星期日1:30 pm，雖然門口多人等位，但兩個人等咗幾分鐘就好快入得(是台妹帶位的喔)3. 以自助形式到櫃台點餐，買完會俾部點餐機你返埋位，一震就拎得 4. 食完自己收拾返托盤上餐車就OK▼ 環境服務 ▼餐廳面積都幾大，所以好快等到位。以小時候的課室場境作佈置，四圍都放滿漫畫任睇。服務嚟講，除咗帶位之外，基本上其他所有嘢都係自助，包括點餐 +拎餐 + 拎餐具 + 收餐盤。 .▼ 台式三杯雞套餐 ($55) ▼三杯雞嘅「三杯」係指米酒、麻油、醬油，用嚟炮製鮮嫩雞件之後，可以話係連撈3碗白飯嘅聖品。先講雞，唔算嫩，但三杯很入味。薑片、辣椒有用麻油爆香，再加埋九層塔，令個飯都幾香。汁亦夠撈飯，食完好飽。.▼ 台灣魯肉便當 ($55) ▼個餐件頭名晒大份，除魯肉飯外，仲有滷水牛腱/ 雞蛋/ 豆腐/ 魯
時間飛快，到而家已經開咗4個幾月，服務同食物質素應該穩定喇掛？！星期日下午，決定同大少去闖一闖！
▼ 餐前注意 ▼1. 平時weekdays可直接喺正門搭lift上，但假日就麻煩啲喇…… 要由停車場入
.
2. 星期日1:30 pm，雖然門口多人等位，但兩個人等咗幾分鐘就好快入得
(是台妹帶位的喔)
3. 以自助形式到櫃台點餐，買完會俾部點餐機你返埋位，一震就拎得
4. 食完自己收拾返托盤上餐車就OK
▼ 環境服務 ▼餐廳面積都幾大，所以好快等到位。以小時候的課室場境作佈置，四圍都放滿漫畫任睇。服務嚟講，除咗帶位之外，基本上其他所有嘢都係自助，包括點餐 +拎餐 + 拎餐具 + 收餐盤。
.▼ 台式三杯雞套餐 ($55) ▼
三杯雞嘅「三杯」係指米酒、麻油、醬油，用嚟炮製鮮嫩雞件之後，可以話係連撈3碗白飯嘅聖品。
先講雞，唔算嫩，但三杯很入味。薑片、辣椒有用麻油爆香，再加埋九層塔，令個飯都幾香。汁亦夠撈飯，食完好飽。
.▼ 台灣魯肉便當 ($55) ▼
個餐件頭名晒大份，除魯肉飯外，仲有滷水牛腱/ 雞蛋/ 豆腐/ 魯肉/ 蘿蔔/ 雞奕。
雖然店家聲稱用上台灣公賣局認可的米酒 + 多種獨家香料，但食完後大概只能吐出一個字：「淡」！
魯肉飯： 肉少都算，但冇乜味嗰吓慘，完全欠缺應布嘅滑溜肥肉香＋台灣古早味，同台灣食過嘅，可以話係差9皮…….失敗！
滷水拼盤： 本身隻滷水就唔得……所以十分一般
.▼ 香辣火焰雞鎚 ($35) ▼
呢個很好味，雞皮是脆的，雞肉嫩嫩的，味粉微辣夠惹味
隻隻雞鎚啖啖肉，仲要已經幫你反晒d肉出嚟。
.▼ 鳳梨蘇打 ($35) ▼
實驗室瓶的樣子，入面有粒粒菠蘿，都幾好飲。
.▼ 黑糖奶茶 ($28) ▼
黑糖呈啫喱狀幾特別，不過大少覺得奶茶本身很淡…...所以唔like
－－－－－－－－－－－－－－－－－－－－－－－－－－－－－－整體嚟講，價錢唔貴，hea一個下午其實也很舒服。
會再encore (不過魯肉飯唔會再試)，尤其係火焰雞鎚令我很回味！
Post
