葫蘆燒肉刺身 (Closed)

元朗不時都有啲小店，今次去到朗屏個邊尋寶，見到有間燒肉店有一人燒肉餐。有時唔係想暴食，又想過吓口癮食燒肉，呢啲一人餐就啱啱好✨裝修都幾日系，環境乾淨，唁會成地油淋淋，都唔會煙霧彌漫。🥩CAB牛小排+特級牛五花(200g)套餐 $182 + 蜜瓜味梳打$12每個套餐有齊湯、前菜、飯同肉，個飯仲要鋪滿肉鬆飯素，感覺好滿足~味增湯都唔錯，唔係死鹹味精，前菜都係好爽口好好味。特級牛五花油脂滿滿，重口味少少，但都因為夠油，所以啲肉食落好滑好香。呢個套餐好在有兩種肉，又可以食吓另一隻口感。牛小排軟嫩又彈牙，搭住燒肉汁食，又令個肉味再提升。🥩牛頸脊+封門柳(200g)套餐 $128 + 橙味梳打$12牛頸脊夠油花而且厚度啱啱好，唔洗燒全熟食落就更有咬口更juicy。封門柳係全隻牛肉味最濃嘅部位，油脂唔算多，同樣都唔洗燒得太熟食就夠腍，加鹽醬一齊更加有層次。橙味梳打唔會太甜，夠晒氣都幾好飲。🐟三文魚刺身 - 4切 $38見到有得少少地食刺身過吓口癮，點知三文魚係厚切，大大塊又好新鮮，有得燒肉又有刺身，真係Perfect！一人餐百幾蚊燒吓肉都幾方便，仲有好多唔同部位可以揀，又冇另收加一，性價比都幾高㗎。