Video
Read full review
2021-11-07
94 views
近年香港都好流行食Omakase，睇雜誌見到有水準嘅餐廳甚至要預約到出年😮咁啱上次食上戶酒場留意到隔離有間日本料理新開張嘅仲可以預約到，店舖門面優雅，一睇就知係食omakase，而唔係普通立食同居酒屋 。晚餐價錢有三個砟$980 秀$1280 勝$1680因為我唔食牛，所以點了中間價，餐廳很著重與顧客互動溝通，上每一道料理都會有專人講解，食材高級由日本直送，不時不食，廚師亦很講究口感味覺的層次，推出很多不同的創意精緻的料理。【秀 Shuu $1280 】お任せ18品先付，旬造リ5品，蒸し物，季節の料理，寿司6 貫，口ール，江戶前たまご，吸物 ，甘味✨先付✦前菜～慢煮白子白子omakase常客，好少會自己嗌黎食，亦都唔多餐廳有，第一次食白子😗以為係好噁心好腥，點知原來都幾好食，完全唔腥，入口滑QQ，加左橙皮同木魚花汁調味。**餐廳上菜前會問你有咩唔食，如果你唔中意食內臟同腥嘅魚一定要提早同廚師講，例如我唔食牛，有人唔食蠔，有人唔食得腥**✨旬造リ5品✦刺身5款造リ同刺身分別係，造リ通常經過處理，唔使點豉油都得^ - ^呢個item嘅海鮮全部都加工過，用心調味過，係充滿誠意嘅料理🤑～北海道
晚餐價錢有三個砟$980 秀$1280 勝$1680
因為我唔食牛，所以點了中間價，餐廳很著重與顧客互動溝通，上每一道料理都會有專人講解，食材高級由日本直送，不時不食，廚師亦很講究口感味覺的層次，推出很多不同的創意精緻的料理。
【秀 Shuu $1280 】
お任せ18品
先付，旬造リ5品，蒸し物，季節の料理，
寿司6 貫，口ール，江戶前たまご，吸物 ，甘味
✨先付✦前菜
～慢煮白子
白子omakase常客，好少會自己嗌黎食，亦都唔多餐廳有，第一次食白子😗以為係好噁心好腥，點知原來都幾好食，完全唔腥，入口滑QQ，加左橙皮同木魚花汁調味。
**餐廳上菜前會問你有咩唔食，如果你唔中意食內臟同腥嘅魚一定要提早同廚師講，例如我唔食牛，有人唔食蠔，有人唔食得腥**
✨旬造リ5品✦刺身5款
造リ同刺身分別係，造リ通常經過處理，唔使點豉油都得^ - ^呢個item嘅海鮮全部都加工過，用心調味過，係充滿誠意嘅料理🤑
～北海道帆立貝刺身～
帶子鮮甜特別大隻，用了竹炭鹽調味，另點綴了手指檸檬，增添了一種特別的酸澀味。
～鮫鰈魚刺身～
首先賣相很清新，鮫鰈魚又名右口魚，肉質非常滑溜，廚師將肥美的部份用火槍輕燒帶出其油香味，再包住一小束日本芽蔥，表面掃上柚子啫喱調味，再加了一片菊花做裝飾。
～春魚刺身～
春魚刺身，肉質軟滑唔腥，配上醃洋蔥和醬油脆脆，少少辛口。
～大拖羅刺身
鹿兒島的超級肥美大拖羅，熟成14日令脂肪滲入魚肉冇咁油膩更有魚香，廚師輕燒再加上芥末子，增加口感及多了一分回甘味。
～南非磯慢煮鮑魚
餐廳自豪之作─大大隻南非鮑魚加上昆布及清酒慢煮三個鐘，非常軟嫩入味。
✨季節の料理
～即炸甘鯛魚～
本餐最高潮─可能物以罕為珍貴，兩口嘅炸甘鯛魚竟成為全餐最觸目最令我回味。
甘鯛魚柳連皮和魚鱗一齊炸，外脆內軟，店員貼心提醒小心燙口。法國片鹽調味，伴柑橘蜜糖芥末汁，甜酸味很突出，和炸甘鯛嘅脆鱗很夾，真係很好食，很驚喜，。
✨寿司6 貫
手握壽司每件都係壽司枱即製，壽司飯用赤醋調味，唔黏口更有飯香。不論鼓油定芥末都已經係握壽司入面，每件壽司都係一啖入口，每件壽司都加左幾種唔同嘅調味，口感及味道都與別不同，很有新鮮感，要試真啲味真係口腔入面用舌頭感受。
～深海池魚壽司～
池魚王清甜爽，呢度每件壽司都有佢地獨創調味加工，表面紫蘇花可以一同食用。
～牡丹蝦壽司～
加拿大嘅牡丹蝦，六件壽司之中我最中意呢件，牡丹蝦食得多，但佢嘅口感係特別爽口，肉質有咬感，感覺好新鮮，另配上佢自己嘅蝦膏，加少少黃檸汁提味，正！
～北寄貝壽司～
很巨很肥厚的北寄貝，加左青檸汁岩鹽鼓油再輕輕燒過，個面仲有啲新鮮柚子皮，整體個味道好清新。
～真鯖魚壽司～
時令魚類，很肥美，魚味濃，少少腥，加了蔥，生薑及醬油自調。
～黑爐魚壽司
呢應該係壽司部都份嘅高潮，即場表演煙燻黑爐魚，再用火槍輕炙，有淡淡威士忌木香，點了三色漬提味。
～銀雪魚壽司
銀雪魚厚切，火炙後配上生蒜炸蒜，令魚香更突出。
✨蒸し物
～大蜆濃汁蒸蛋
同出面嘅茶碗蒸好唔一樣，呢度嘅蒸蛋很獨特，蛋蒸得非常滑，配上用好多蜆淆出來的芡汁，湯汁配蒸蛋，好滋味，另外仲有好幾粒鮮甜日本小貝柱。
✨口ール
～拖羅蓉手卷～
廚師即場包紫菜唔會淋，吞拿魚蓉口感軟綿綿，混合青本漬調味。
✨江戶前たまご
～呢個江戶前玉子燒用蝦肉魚肉雞蛋做，無麵粉，但又做到好綿感覺，比梳乎厘厚，但比紙包蛋糕有空氣感，口感濕潤，微甜，食落會有啲蝦味，幾特別。
✨吸物
～蟹肉豆魚湯
松葉蟹殼淆湯，有一件滑豆腐，特別喜歡有一件方形的蟹肉魚丸，啖啖都食到蟹肉，係餐廳自家手打製成，充滿誠意。
✨甘味
～日本赤肉蜜瓜 & 刀根柿
北海道的蜜瓜，口感軟淋，甜度適中，很好的飯後甜品，刀根柿則很爽脆，清甜。
Post
