但都唔知食乜好！一時醒起用 Open Rice Apps 搵食 搵到附近有間拉面店叫『魂』，人氣都幾勁咁，唔理3 7 21 飛奔過去，
點知星期日休息...！
搵到附近有間叫『盛八食堂』都係食拉面嘅，唔理喇好肚餓
好彩仲有2張枱唔洗等位。
裝修都幾得意，味吉陽一果幅畫最醒神，不過就幾細間吓！
由於未黎食過梗係叫店員推介吓喇，
佢介紹我食『龍蝦蕃茄』湯底，聽到都幾給引，我就點了個炸蝦烏冬，而太太唔食牛同海鮮，就只可以食豬骨湯底叉燒拉麵
個龍蝦湯真係唔錯
蝦味好出，真係飲到有龍吓味唔係流！好有『西、日 Crossover feel』，烏冬都幾爽滑彈牙。
黑豚叉燒拉面我試咗啖湯，比較淡口，感覺一般。
總結：非一般拉面店，幾有特色，份量夠大，下次會試埋其它食品。
