糙米家 (Closed)

通常weekend食得飽飽滯滯, 星期一就想食清d, 出街食飯想食健康d都真係幾難, 今次去開呢頭見到呢間主打糙米既餐廳, 果然無失望睇menu 已經有好多選擇, 有飯有麵有沙律, 仲會分埋類等你易d選擇, 當中有一個叫做『健康煮系列』, 因為menu無寫係d咩, 店員就表示可選湯飯/湯米線, 除左你揀既餸之外, 每碗都會有菇/豆腐/瓜菜等等。南瓜雞絲健康煮(湯飯)($47):等左大約15分鐘先上枱, 信計都係新鮮煮, 個碗非常大碗, 有大量既菇/豆腐/瓜菜, 再加南瓜同雞絲, 賣相非常討好, 湯底很清甜, 飯係加左紅米,食得出d飯係有再煮過, 唔會就咁加d飯比你咁頹, 仲好入味, 非常好味! 最重要係呢碗湯飯既配料都非常健康, 食完都唔會有罪疚感, 仲好味到飲晒碗湯, 都唔係好口渴如果office附近開一間就好啦