美心MX (港鐵粉嶺站) (Closed)

今日我們約咗成班朋友喺傍晚嗰陣去其中一個朋友屋企，所以喺出發前我們去咗粉嶺站嘅「MX」食個下午茶先！我們叫咗脆炸鷄脾炸得好金黃香脆，肉質好軟滑多汁，唔會炸到又乾又硬！燒鴨湯瀨粉嘅燒鴨皮好香口脆身，肉質好鬆軟嫩滑，鴨味亦好香濃，而瀨粉嘅質感亦好煙韌彈牙！而公司三文治，雖然昨日嘅下午茶都有食過，但因爹哋同媽咪都比較鍾意食，所以今日都繼續再叫嚟食，整個三文治大至上同昨日嗰個差唔多，餡料亦好足料豐富，但最大嘅分別同令到我們覺得好特別嘅就係，用嚟伴碟嘅並唔係炸薯條，而係薯片，感覺都幾特色！