龍門一番 上海·紫砂燉湯 (Closed)

雞絲水晶粉皮 $52粉皮很爽口，唔似出面煮到好淋，蔴醬很香，份量亦不少。火腿百頁煮津白 $68火腿選用金華火腿，而津白本身味道較淡，配埋就啱啱好，百頁係豆腐既一種，有啲似豆皮，幾特別。小龍蝦湯包(1隻) $38豬肉餡嘅小籠包，出面成日有得食，但係加入小龍蝦嘅小籠包就真係第一次食，口感好特別，店員會先附上一支飲管吸啜湯汁，湯汁鮮甜味美，皮也不會特別厚，勁好味。瑤柱露筍蛋白炒飯 $72炒飯粒粒分明 露筍粒分量頗多，食落口感非常豐富，而炒飯唔會太鹹，加上瑤柱碎味道更加濃郁。高力豆沙配雲呢拿雪糕 $52高力豆沙一碟有兩件，配上雲呢拿雪糕，一冷一熱配合得天衣無縫，紅豆餡唔太甜，而雪糕上面有棉花糖粒粒，鍾意食甜品嘅我梗係一件不留啦。有機豆漿 $16因為冇飲茶，驚夜晚瞓唔著，所以叫左杯熱豆漿，豆味濃郁，甜度適中， 熱熱地暖入心。