點籽冰室 (Closed)

返工前想食返個靚早餐，今朝特登早啲起身去咗屋企呢間「點籽冰室❤️」！男朋友雖然放假，但係都特登早啲起身陪我食完再返上去瞓🥰我哋今次分別叫咗兩個早餐同埋配咗兩杯飲品。❤️雙拼一丁餐（煎蛋，香草腸）男朋友就叫咗呢個雙拼一丁餐，大大碗麵夠晒飽，仲要有個煎得少少燶邊嘅煎蛋，香草腸估唔到都幾好食，食落好香之餘仲幾Juicy。❤️鮮茄蘑菇奄列配牛角酥，茄汁豆 而我就揀咗呢款素食之選嘅鮮茄蘑菇奄列配牛角酥，牛角酥好香脆，仲有我最鍾意嘅蕃茄酸酸甜甜好好味。我仲額外加$6配多個迷你火腿通粉，真係超級豐富嘅早餐。❤️熱奶茶、熱檸蜜呢到嘅熱奶茶，真係好好飲，茶香同奶香嘅比例啱啱好，仲好絲滑添。