同埋平時好少寫茶餐廳食評，因為頹飯冇乜好寫。
點知有一日諗唔到食乜，見呢度lunchtime快手，所以試吓個招牌菜「鹽焗雞髀飯」同「油雞髀飯」，冇諗過有意外驚喜，好得！！ 我屋企人仲笑話佢其他嘢食都係普通，但唔知點解個雞飯咁出色！！鷄肉多肉同滑，好入味，性價比好高，冇諗過佢個鷄質素出色過泉章居，用外賣app order外賣自取價錢仲要好抵，其他地方買一盒呢度可以食兩盒。搞到我上癮突然鍾意食鷄，連續食咗幾日lunch。
另外要超讚佢地嘅「檸樂煲薑」，因為作感冒病病地，周圍搵檸樂煲薑，好彩佢哋有，冇諗過佢地咁捨得落咁多薑，跟餐仲要唔洗加好多錢。
其他食物真係頹飯，但「鹽焗雞髀飯」同「油雞髀飯」，「檸樂煲薑」好有驚喜，好味，推介！！
