寶哥火鍋味館 (Closed)

前幾晚同朋友去咗《寶哥火鍋味館》打邊爐， 這裡環境舒適， 地方仲好寛敞， 餐廳裝飾都好舒服， 同朋友傾計就啱晒！ 店員隨即放下調味醬料、 包括有生蒜、芫荽、辣椒同蔥花等等， 可以任意配搭。 今次我哋揀咗個《 猴頭菇鯊魚骨湯 》， 湯滾起後傳出好香嘅猴頭菇淸香，使人食慾大增！ 店員送上一盤刺身拼盤， 包括有八爪魚、北寄貝同翡翠螺等等。 翡翠螺肥大肉厚， 十分鮮甜，口感仲爽囗彈牙！打邊爐一定要叫肥牛啦， 放落去滾一滾就食得， 牛肉味濃， 非常嫰滑。 我個人比較鍾意食魚， 所以脆肉脘魚腩同脆肉魚片是不可缺少的，魚肉肥美可口， 鮮味無比，肉質爽脆，真係好食都不得了呀！值得提就係 《豬仔蝴蝶腩》 ， 原來係即豬橫膈膜，一片薄薄的筋膜， 口感有點像牛腩，好爽口而唔靭，真係好好味！這裏餃類做得非常不錯，特別係《鳯城水餃》， 用了木耳、豬肉、筍絲同蝦等包成的， 食落仲有香濃肉汁滲出，皮薄餡靚， 十分美味。 《手打三寶丸》， 每種味道有二粒， 適合兩口子享用， 鮮味十足，口感仲非常彈牙， 正呀！最後緊係要食番個《出前一丁》 ， 出前一丁吸收晒湯底嘅鮮味， 非常好食， 正呀！ 食完覺得特別滿足 ！今晚我哋