十三少 (Closed)

朋友剛好在附近返工，一於去接收工加食晚飯。天氣凍想食熱辣辣的野食，見到酸菜魚，一於決定呢間。餐廳位於1/F ，一角可以見到少少的日落和晚霞。餐廳簡潔光猛，座位闊落舒服，是聚會的好地方。見到有一個二人餐，有魚有蟹，岩哂「魚你蟹逅」，價錢不算貴，一於要呢個。除左二人餐，當然亦有其他選擇。二人蟹逅滋味餐（$388）1.蒜泥青瓜份量好多的蒜泥青瓜，爽脆的青瓜配上勁多的蒜粒，食落非常開胃 ，愛蒜的朋友們一定要食。2.酸菜魚大大碟的酸菜魚，內有萵筍、酸菜、菌類和新鮮肉質爽滑的魚。大家食前可以先飲一口湯，湯頭帶有魚的鮮甜味，亦有微微的酸辣味，再者加上大量的白芝麻，芝麻胡椒味濃。3.十三少蒜香蟹飯（細）蟹是當季，當然唔少得。用上荷葉包住飯，飯內有蒜粒和蟹肉。面上的蟹，充滿膏，且蟹汁慢慢滲入飯內。加上濃郁的蒜粒，撈埋蟹肉及飯一齊食，口感非常豐富。飯粒完美吸收了螃蟹的鮮甜、荷葉的香氣及濃郁的蒜蓉。正。最後店員還送上兩碗雪耳紅棗，潤喉解渴及非常養生，畫上完美的句號，滿足的一餐