芝樂坊餐廳

一直都略有耳聞呢間餐廳係唔比book枱的，所以每次經過都會見到好多人係門口等位。咁啱尋日早左放工，就拿拿聲過去睇吓有無位開餐先當日大概下午5點9去到，門口已經有人等位，好彩既係等左15分鐘左右就可以入座😆第一時間睇下餐牌，價錢普遍係$100至$200左右。但切記切記唔好叫太多野食，唔洗怕好似叫一兩份太少，因為啲食物份量係你想像唔度咁多😂😂😂同埋記得落單時可以要求要面包，因為佢無主動比我地，要自己問個侍應先有！咁就叫左一份芝樂坊脆片做前菜，大概係墨西哥脆片配上牛油果醬，熱溶芝士醬，蕃茄碎粒同埋類似軟芝士既醬咁，食落好好味，就咁脆片加芝士醬會有啲滯，但配合埋牛油果醬同蕃茄粒會中和返個味道，同埋我估啲脆片應該係自家製的，唔會太油，口感亦都夠脆，不過份量真係太多，係食極都食唔完😂主菜就叫左一份芝士四重奏長通粉（$168），佢既芝士長通粉係可以拉絲果種，但略嫌芝士味唔太濃，同埋太單調，如果加返啲煙肉脆粒應該會好食啲～最後叫左一份Oreo芝士蛋糕（$82），味道好重朱古力味，亦都好大件，食落就略嫌太甜，有啲女仔就未必鐘意口味咁甜啦～總結嚟講，呢間餐廳係味道同環境都唔錯既，最緊要份量夠，食完唔會話唔