Video
Read full review
2020-03-01
134 views
愛無分界限，無論你係邊種人邊種文化都一樣需要佢。而澳門就有位充滿愛心既年青人將日本茶道文化引入香港，堅持以傳統風格比香港人有一個寧靜既空間。而為左配合成個氣氛，茶寮裝潢主要以簡約茶室設計，濃厚文青味道吸引到一眾鍾意影相既朋友黎打返個靚卡。2000呎旗艦店咁大個空間，想點擺pose都得啦！呢到間中仲會搞下品茶workshop，亦配置大型既榻榻米比你體驗最正宗既日本茶道，真係獲益良多呀！!👇📌茶漬飯套餐 · B - $138♦ 茶漬飯 - ▪ 三文魚碎 ▫ 佢地既午市套餐有幾款選擇，我同朋友都各自揀左一款茶漬飯套餐，呢個包括左一碗茶漬飯、一款配菜、茶凍同埋手工茶，都係百零蚊有找，係中環黎講性價比非常高。而佢地既茶漬飯分左四個口味，當中包括高菜櫻花蝦、高菜白魚、三文魚碎、栗子甜薯同埋雞絲牛蒡。我就揀左呢個三文魚碎，成碗飯既份量十足，食落有啖啖魚香之餘，後勁仲有清香既茶韻係返到，值得一試！♦ 是日配菜一款 -▪ 葫麻醬菠菜▫ 簡單工整既新鮮菠菜，切口做得細膩，灼熟過後將佢冷凍變得口感清涼，唔錯。再撈埋日本葫麻醬，入口食到濃郁既甜味，好食！♦ 手工茶凍 - ▪ 炭焙烏龍茶
堅持以傳統風格比香港人有一個寧靜既空間。而為左配合成個氣氛，茶寮裝潢主要以簡約茶室設計，濃厚文青味道吸引到
一眾鍾意影相既朋友黎打返個靚卡。2000呎旗艦店咁大個空間，想點擺pose都得啦！呢到間中仲會搞下品茶workshop，
亦配置大型既榻榻米比你體驗最正宗既日本茶道，真係獲益良多呀！!👇
📌茶漬飯套餐 · B - $138
♦ 茶漬飯 -
▪ 三文魚碎
▫ 佢地既午市套餐有幾款選擇，我同朋友都各自揀左一款茶漬飯套餐，呢個包括左一碗茶漬飯、一款配菜、
茶凍同埋手工茶，都係百零蚊有找，係中環黎講性價比非常高。而佢地既茶漬飯分左四個口味，
當中包括高菜櫻花蝦、高菜白魚、三文魚碎、栗子甜薯同埋雞絲牛蒡。我就揀左呢個三文魚碎，
成碗飯既份量十足，食落有啖啖魚香之餘，後勁仲有清香既茶韻係返到，值得一試！
♦ 是日配菜一款 -
▪ 葫麻醬菠菜
▫ 簡單工整既新鮮菠菜，切口做得細膩，灼熟過後將佢冷凍變得口感清涼，唔錯。
再撈埋日本葫麻醬，入口食到濃郁既甜味，好食！
♦ 手工茶凍 -
▪ 炭焙烏龍茶
▫ 食完個茶漬飯當然最好整返個飯後甜品啦，呢個炭焙烏龍茶茶凍就岩哂啦。
賣相睇落就好似啫喱咁，但咬落係有淡淡既茶香味。清爽之餘，你唔會覺得好甜膩，
反而有少少消滯既感覺，好特別。
♦ 是日手沖茶 -
▪ 八女煎茶 - (熱)
▫ 呢到既店主亦都係一名曾經遠赴日本考取過「江戶千家茶道教授」茶道證書既一位"茶人"，
對手工茶既要求可謂精益求精。係泡茶既時間、水溫、每一個細微位都兼顧周到，而佢地既熱茶
主要以外賣茶杯方便一眾打工茶買完就走，所以店主係外賣杯裡面裝左卡紙承托住不銹鋼茶隔，
方便客人可以拎返去再翻沖，呢點真係要大讚。先聞一聞茶葉既香味，然後慢慢細味每一啖，
當中既甘甜感覺，瞬間覺得心神曠怡呀！而且佢地每個外賣杯都有獨特既詩句，好有意境。
📌茶漬飯套餐 · C - $158
♦ 茶漬飯 -
▪ 高菜櫻花蝦
▫ 呢個套餐C既分別就係多一款是日配菜選擇，而每日餐廳都會因應情況而定既。佢地既茶潰飯用上鰹魚湯、
日本靜岡玄米茶特製，食起上黎份外清甜，配上櫻花蝦做配搭，口感脆身，又夠香口，成碗飯唔洗幾耐就比我清哂，嘿！
♦ 是日配菜兩款 -
▪ 築前煮雞肉
▪ 葫麻醬菠菜
▫ 除左有葫麻醬菠菜之外，仲有我最愛既築前煮雞肉啦，牛旁有咬口，配埋爽口既筍，零舍滋味。
而紅蘿蔔煮得夠淋身，連埋滑溜既雞肉，岩哂我口味。
♦ 手工茶凍 -
▪ 玫瑰花金桂花
▫ 另一主打既玫瑰花金桂花兩溝既果凍，入口爽滑清甜，帶清幽既玫瑰香，
質感Q彈又唔會太甜，真係忍唔住幾多幾舊呀！
♦ 是日手沖茶 -
▪ 八女冠茶 - (凍)
▫ 成個冰鎮泡茶既過程歎為觀止，茶葉唔會經過冷凍而變得淡味，仲保持到入口順滑又夠茶香。
而呢款八女冠茶既茶葉帶嫩綠色，其實冠茶既分別係指農夫採摘前會經過遮光一段時間，令茶葉減少苦澀味。
飲落既清香就會更加有層次感，重點推介！
📌日式甜品 -
▪ 紅豆和菓子 - $38
▪ 白豆蓉和菓子 - $38
▫ 必定要試埋佢地既和菓子，造型精緻，而且兩款紅豆餡、
白豆蓉餡味道清清甜甜，拎黎送茶一齊食就最好不過！
Post
