金源 (Closed)

今日下午我們喺青衣做完嘢之後去咗附近嘅青衣商場嘅「金源」食下午茶！我們叫咗香煎牛扒稻庭烏冬嘅烏冬都幾軟滑，牛扒煎得都幾香，肉質好鬆軟同都幾大塊，而湯底我們就揀咗蕃茄豬骨，味道都幾鮮味濃郁！迷你漢堡「豬柳漢堡+碎蛋」拼沙律嘅包質都幾軟熟，豬柳漢堡嘅肉質有啲啲「騷」同感覺比較油膩，碎蛋都幾香滑，但份量就少咗啲，而沙律就係鮮果沙律，味道好香甜清新！跟餐嘅餐飲熱杏仁霜嘅味道比較淡！店員嘅服務態度還可以啦！