醍醐茶寮 (Closed)

次次番屋企都經過呢間台式店，今日終於黎食，門口有得外賣台式飲品，價錢就比其他連鎖台式飲品貴少少，店內座位數十個，還有小閣樓，不過地方唔算大，有少少逼飯飯掂定食 $58肉燥飯好大碗，不過肉燥味道偏咸，前菜3小碟有刀拍青瓜、酸菜、滷蛋，青瓜同酸菜酸酸地幾開胃，而主菜我點左台風鹽酥雞， 鹽酥雞小小咸，肉質鮮嫩多汁，切得細舊方便女仔食，呢樣係加分既，椰菜爽口，我中意和肉燥飯一齊食，多左一份口感。奶蓋四季春 (跟餐加$5)跟餐可以任選$22以下飲品，不過我想食奶蓋就加錢要呢杯，奶蓋份量係唔少，不過味道就比較淡，茶底四季春茶味都較淡，比較少有既係飲品冇得揀少甜度，台式飲品一般都可以揀，呢個位置就比較失望。