🔥火五火車頭牛肉粉
呢碗河粉嘅湯底同我喺越南食到嘅味道係一樣，都係好好飲😋
熟牛肉屬於牛肋肉，大大舊肉，質感又夠腍，容易𡁻碎！咬落帶少少肥膏，仲有一條牛筋食吓，正呀😍
生牛肉已經有七成熟，帶少少粉紅色，同熟牛肉味道一樣都好重牛香味，質感軟腍又唔靭！
和牛牛丸爽口彈牙，同樣牛味十足！扎肉就不過不失啦！
🇮🇪意大利黑醋汁蒜蓉牛油雞翼🧄
呢碟雞翼睇落好似平平無奇，點知一咬入口，蒜蓉香味即刻爆發出嚟🤩加上濃郁嘅牛油香味，配合得天衣無縫🉐🉐🉐有料到👍🏻雞翼炸得夠哂香脆，而且唔會炸到好油膩，真係不可不吃呀💯💯💯💯💯
🍤黃金蝦味
入口就有好香鹹蛋味，蝦球有啲細小，但食完又唔覺得油膩，而且好惹味😋
🥘法式咖喱牛肋油香飯
咖喱味道香濃，牛肋肉炆得夠腍！牛筋夠軟，食完覺得好似食咗好多膠原入肚，好味！可惜油香飯煮得有啲爛，變相影響口感！咖喱唔夠熱，影響咗整體嘅味道🥺如果無呢啲問題嘅話，就會好好食😌
