Video
Read full review
2022-06-17
1389 views
之前幫襯過中環中心入面嘅 Coffee Shop，印象中嗰度嘅食肆唔多，都係以外賣為主。最近得知 1 樓新開咗間越南餐廳，據說係由主打正宗越南菜嘅李錦基主理。店舖設計開揚，一室啡木色檯櫈，配以開放式門面，裝潢簡約，採光充足，加上座位又唔會太逼，感覺舒服。先嚟一碗火車頭湯河粉 ($88)：湯頭熱呼呼，入口清澈純香，據說係用上新鮮牛骨熬足 10 粒鐘而成。河粉滑溜煙韌，再加入青檸汁、九層塔和辣椒拌勻，粉連湯一起品嚐，每一啖都沾滿濃濃嘅牛湯精華。配料有生牛肉、熟牛腩、牛柏葉、牛筋同牛丸。牛肉粉嫩，上桌時剛好七成熟，水準甚佳。牛腩軟熟，牛柏葉夠爽，牛筋鬆化黏口，而牛丸亦彈牙富嚼勁。咖喱牛腩飯 ($68)：加咗 $18將米飯轉做法包。牛腩極之鬆化，入味又腍身，肉質軟爛不柴。咖喱濃香惹味，辣度亦啱啱好，以香脆嘅法包蘸咖喱汁吃，令人回味無窮。炸香茅雞翼 ($36) 雞翼炸得好香口，皮脆肉嫩，咬下更透出淡淡香茅清香。另外配咗兩杯越式特飲：椰汁冰 (+$12) 同 咸檸檬梳打 (+$12)，椰汁冰嘅味道好清爽，入口椰香撲鼻，而咸檸梳打亦冰涼醒胃，內有粒粒新鮮青檸，用嚟消暑解渴一流。。
之前幫襯過中環中心入面嘅 Coffee Shop，印象中嗰度嘅食肆唔多，都係以外賣為主。最近得知 1 樓新開咗間越南餐廳，據說係由主打正宗越南菜嘅李錦基主理。
店舖設計開揚，一室啡木色檯櫈，配以開放式門面，裝潢簡約，採光充足，加上座位又唔會太逼，感覺舒服。
先嚟一碗火車頭湯河粉 ($88)：湯頭熱呼呼，入口清澈純香，據說係用上新鮮牛骨熬足 10 粒鐘而成。河粉滑溜煙韌，再加入青檸汁、九層塔和辣椒拌勻，粉連湯一起品嚐，每一啖都沾滿濃濃嘅牛湯精華。
配料有生牛肉、熟牛腩、牛柏葉、牛筋同牛丸。牛肉粉嫩，上桌時剛好七成熟，水準甚佳。牛腩軟熟，牛柏葉夠爽，牛筋鬆化黏口，而牛丸亦彈牙富嚼勁。
咖喱牛腩飯 ($68)：加咗 $18將米飯轉做法包。牛腩極之鬆化，入味又腍身，肉質軟爛不柴。咖喱濃香惹味，辣度亦啱啱好，以香脆嘅法包蘸咖喱汁吃，令人回味無窮。
炸香茅雞翼 ($36) 雞翼炸得好香口，皮脆肉嫩，咬下更透出淡淡香茅清香。
另外配咗兩杯越式特飲：椰汁冰 (+$12) 同 咸檸檬梳打 (+$12)，椰汁冰嘅味道好清爽，入口椰香撲鼻，而咸檸梳打亦冰涼醒胃，內有粒粒新鮮青檸，用嚟消暑解渴一流。。
Post
